پاکستان بنگلا دیش ٹی ٹوئنٹی سیریز کی حتمی تاریخوں اور وینیوز کو فائنل کر لیا گیا ہے،دونوں ممالک کے درمیان 5 ٹی ٹوئنٹی میچز پر مشتمل سیریز 25 مئی سے 3 جون تک کھیلی جائیگی۔ ذرائع کے مطابق سیریز کے پہلے 2ٹی ٹوئنٹی میچز کی میزبانی فیصل آباد کو مل گئی، سیریز کے آخری 3میچز لاہور میں کھیلے جائیں گے۔ پہلا ٹی ٹوئنٹی میچ 25 مئی کو کھیلا جائیگا، دوسرا 27 مئی کو شیڈول ہے، سیریز کا تیسرا ٹی ٹوئنٹی میچ 30 مئی کو قذافی اسٹیڈیم میں ہو گا۔پاکستان بنگلا دیش چوتھا ٹی ٹوئنٹی میچ یکم جون کو کھیلا جائے گا،سیریز کا آخری میچ 3 جون کو شیڈول ہے،پی سی بی جلد پاک بنگلہ دیش ٹی ٹوئنٹی سیریز کا شیڈول جاری کرے گا۔