جامعہ پشاور میں اساتذہ کی کمی سے طلبا و طالبات کی پڑھائی متاثر ہونے لگی۔ دستاویزات کے مطابق جامعہ میں 250 اساتذہ کی ضرورت ہے،گریڈ 18 پر لیکچرارز کی 39اسامیاں،گریڈ 19 پر اسسٹنٹ پروفیسر کی 117 اسامیاں،گریڈ 20 پر ایسوسی ایٹ پروفیسر کی 52 اسامیاں خالی،گریڈ 21 پر پروفیسرز کی 42 آسامیاں خالی ہیں ۔اسی طرح پشاور یونیورسٹی کے نان ٹیچنگ اسٹاف کی بھی 32 آسامیاں خالی ہیں،ایڈمنسٹریشن آفیسرز کی آسامیاں بھی 8 سال سے خالی پڑی ہیں۔یونیورسٹی ٹیچرز ایسو سی ایشن نے مطالبہ کیا ہے کہ جامعہ میں خالی آسامیوں کی تشہیر کی جائے، اگر ایک ہفتے میں آسامیوں کی تشہیر نہ کی گئی تو احتجاج کریں گے۔دوسری جانب انتظامیہ کا کہنا ہے کہ خالی اسامیاں پُر کرنے کیلئے ہائیر ایجوکیشن کمیشن سے این او سی نہیں مل رہا،این او سی ملنے کے بعد خالی اسامیوں پر بھرتیاں کی جائینگی۔