خوبانی نہ صرف ذائقے میں لاجواب ہوتی ہے بلکہ اپنی غذائی خصوصیات کے باعث اسے قدرت کا بہترین تحفہ بھی کہا جاتا ہے۔ یہ سنہری رنگ کا چھوٹا سا پھل گرمیوں کے موسم میں کثرت سے دستیاب ہوتا ہے۔ اس کا مزاج سرد اور تر ہوتا ہے، اور یہی وجہ ہے کہ یہ جسم کو ٹھنڈک بھی فراہم کرتا ہے اور صحت کے کئی مسائل کا قدرتی حل بھی ہے۔ چاہے خشک خوبانی ہو یا تازہ، دونوں ہی انسانی جسم کے لیے بے شمار فوائد رکھتی ہیں۔ غذائی اجزاء سے بھرپور خوبانی میں وٹامن اے، وٹامن سی، وٹامن ای، فائبر، پوٹاشیئم، آئرن اور اینٹی آکسیڈنٹس کی بھرپور مقدار پائی جاتی ہے۔ اس کے علاوہ یہ قدرتی شکر سے بھی لبریز ہوتی ہے جو جسم کو فوری توانائی فراہم کرتی ہے۔ خوبانی میں کیلوریز کم اور غذائیت زیادہ ہوتی ہے، اس لیے یہ وزن کم کرنے والوں کے لیے بھی بہترین انتخاب ہے۔ وٹامن اے آنکھوں کی بینائی کے لیے مفید ہے، جبکہ پوٹاشیئم دل کی دھڑکن کو معمول پر رکھنے میں مدد دیتا ہے۔ دل کے لیے قدرتی محافظ دل کی صحت کے حوالے سے خوبانی کا استعمال خاص طور پر مفید سمجھا جاتا ہے۔ اس میں موجود اینٹی آکسیڈنٹس دل کو فری ریڈیکلز سے ہونے والے نقصان سے بچاتے ہیں۔ خوبانی خون میں کولیسٹرول کی سطح کو متوازن رکھتی ہے، جو شریانوں میں چربی جمنے کے عمل کو روکتی ہے اور یوں دل کے دورے یا ہارٹ اٹیک کے امکانات کم ہو جاتے ہیں۔ پوٹاشیئم دل کی دھڑکن کو مستحکم رکھتا ہے جبکہ فائبر بلڈ پریشر کو کنٹرول کرنے میں مدد دیتا ہے۔ یہی وہ عوامل ہیں جو خوبانی کو دل کی بیماریوں کے خلاف ایک قدرتی شیلڈ بناتے ہیں۔ نظامِ ہضم کی بہتری خوبانی میں موجود فائبر نظامِ ہضم کو بہتر بنانے میں اہم کردار ادا کرتا ہے۔ یہ آنتوں کی حرکت کو متوازن رکھتا ہے، جس سے قبض جیسے مسائل میں واضح کمی آتی ہے۔ ایک متوازن نظامِ ہضم نہ صرف معدے کی صحت بہتر بناتا ہے بلکہ جسم میں زہریلے مواد کے اخراج کو بھی آسان بناتا ہے، جو مجموعی صحت پر مثبت اثر ڈالتا ہے۔ خون کی کمی سے بچاؤ خوبانی میں آئرن کی موجودگی اسے خون کی کمی (اینیمیا) سے بچاؤ کے لیے مفید بناتی ہے۔ یہ خاص طور پر خواتین اور بچوں کے لیے ایک قدرتی علاج ہے جو بغیر کسی دوائی کے خون کی مقدار بڑھانے میں مدد دیتا ہے۔ آئرن جسم میں سرخ خون کے خلیات بنانے میں مدد کرتا ہے، جو آکسیجن کو پورے جسم میں لے جانے کے لیے ضروری ہیں۔ جلد کو تروتازہ اور جوان رکھے خوبانی میں شامل وٹامن ای اور اینٹی آکسیڈنٹس جلد کی صحت کے لیے بھی انتہائی مفید ہوتے ہیں۔ یہ جلد کو سورج کی شعاعوں، آلودگی اور بڑھتی عمر کے اثرات سے بچاتے ہیں۔ خوبانی جلد کی نمی کو برقرار رکھتی ہے، جھریاں کم کرتی ہے اور چہرے پر قدرتی چمک لاتی ہے۔ اگر آپ اسپتالوں کے بھاری بھرکم خرچوں سے بچنا چاہتے ہیں اور دل کی بیماریوں سے قدرتی تحفظ چاہتے ہیں تو خوبانی کو اپنی روزمرہ غذا کا حصہ بنائیں۔ یہ ایک ایسا پھل ہے جو ذائقے اور صحت، دونوں کے لیے یکساں مفید ہے۔ قدرت نے اس چھوٹے سے پھل میں بڑی بڑی شفا چھپا رکھی ہے۔