پاکستان کرکٹ ٹیم کے بیٹنگ کنسلٹنٹ محمد یوسف نے استعفیٰ دے دیا۔ ذرائع کے مطابق محمد یوسف دورہ نیوزی لینڈ میں بطور بیٹنگ کنسلٹنٹ ٹیم کے ساتھ تھے تاہم بنگلہ دیش کے خلاف ہوم سیریز میں کوچنگ اسٹاف میں ان کا نام شامل نہیں تھا۔ذرائع کے مطابق محمد یوسف نے نجی مصروفیات کے باعث اپنا استعفیٰ پاکستان کرکٹ بورڈ (پی سی بی) کو بھجوایا۔اس سے قبل، مارچ میں پی سی بی نے محمد یوسف کو پاکستان کرکٹ ٹیم کا بیٹنگ کنسلٹنٹ مقرر کیا تھا تاہم وہ دورہ نیوزی لینڈ سے دستبردار ہوگئے تھے لیکن پھر چند ہی گھنٹوں بعد انہوں نے اپنا فیصلہ واپس لیتے ہوئے دستیابی ظاہر کردی تھی۔