بنگلہ دیش نے شیرِبنگلہ کرکٹ سٹیڈیم میں ہونے والے پہلے ٹی 20 میچ میں پاکستان کو سات وکٹوں سے شکست دے دی ہے۔پاکستان کی جانب سے بنگلہ دیش کو 20 اوورز میں جیتنے کے لیے 110 رنز کا آسان ہدف دیا گیا تھا۔ میزبان بنگلہ دیش کرکٹ ٹیم کے کپتان لٹن داس نے ٹاس جیت کر پہلے فیلڈنگ کا فیصلہ کیا تھا۔ایسا پہلی مرتبہ ہوا ہے کہ بنگلہ دیش کی کرکٹ ٹیم نے کسی ٹی 20 میچ میں پاکستان کو آل آؤٹ کر دیا۔ پاکستان کی جانب سے فخر زمان کے علاوہ کوئی بلے باز وکٹ پر زیادہ دیر نہ ٹھہر سکا، انھوں نے سب سے زیادہ 44 رنز بنائے۔ بدقسمتی سے وہ رن آؤٹ ہو گئے جو اس میچ کا ایک انتہائی اہم موڑ بن گیا۔ ان کے علاوہ آل راؤنڈر عباس آفریدی نے تین چھکوں کی مدد سے 22 رنز سکور کیے۔ خوشدل شاہ نے 17 رنز بنائے۔ بنگلہ دیش کی جانب سے تسکین احمد نے تین اور مستفیض الرحمان نے دو کھلاڑیوں کو آؤٹ کیا۔جواب میں بنگلہ دیش نے 110 رنز کے ہدف کا تعاقب شروع کیا تو میچ کے ابتدائی تین اوورز میں اُن کے دو کھلاڑی پویلین لوٹ چکے تھے۔ آؤٹ ہونے والوں میں تنزید حسن اور لٹن داس شامل تھے جن کی وکٹیں فاسٹ بالر سلمان مرزا نے حاصل کیں۔ ابتدائی اوورز میں دو کھلاڑیوں کے جلد آوّٹ ہونے کے بعد اوپنر پرویز حسین اور توحید ہردوئے کی جانب سے انتہائی محتاط اور ذمہ دارانہ انداز میں بیٹنگ کا مظاہرہ کیا گیا۔تاہم توحید ہردوئے میچ کے 13ویں اوور میں عباس آفریدی کی ایک اچھی گیند پر بولڈ ہو گئے۔ اوپنر پرویز حسین کی جانب سے شاندار کھیل کا مظاہرہ کیا گیا۔ انھوں نے 39 گیندوں پر 56 رنز کی اننگز کھیلی اور ناٹ آؤٹ رہے۔ ان کی اننگز میں پانچ چھکے اور تین چوکے شامل تھے۔ Getty Imagesپاکستان کی کرکٹ ٹیم گراؤنڈ میں ہو اور کچھ ایسا نہ ہو کہ فینز سوشل میڈیا پر اس بارے میں واویلا نہ کریں، ایسا بہت کم ہوا کرتا ہے۔اتوار کی شب بھی کُچھ ایسا ہی ہوا جب پاکستان کی کرکٹ ٹیم بنگلہ دیش کے خلاف اپنے پہلے ٹی 20 میچ میں بیٹنگ کے لیے گراؤنڈ میں اُتری تو یکِ بعد دیگرے وکٹیں گنوانے لگی۔ ایک موقع پر پاکستان کے پانچ کھلاڑی 46 رنز بنا کر پویلین لوٹ چکے تھے اور ایسے میں صرف فخر زمان ہی بنگلہ دیشی بولرز اور شیرِ بنگلہ سٹیڈیم کی پچ کو سمجھ پا رہے تھے۔ انھوں نے خوشدل شاہ کی مدد سے پاکستان کا سکور 70 رنز تک پہنچایا اور وہ خود اس وقت 44 رنز پر کھڑے تھے جب خوشدل شاہ نے دو رنز لینے کی ٹھانی۔پہلا رن تو دونوں نے ہی تیزی سے بھاگا لیکن دوسرے رن کے لیے پلٹتے ہوئے خوشدل شاہ نے آدھی کریز پر پہنچنے والے فخر زمان کو واپسی کی کال دے دی۔ فخر زمان واپس مڑتے ہوئے پھسل گئے اور واپس مڑنے کی کوشش میں رن آؤٹ ہو گئے۔ بس جی پھر کیا ہونا تھا وہی ہوا کہ جس کا ہم نے ابھی تھوڑی دیر پہلے ہی ذکر کیا کہ فینز نے خوشدل شاہ کو اس رن آؤٹ کا قصور وار قرار دینا شروع کیا اور میمز پر میمز اور تُند و تیز جُملوں میں خوشدل کا ذکر ہونے لگا۔کیا شاہد آفریدی کی وجہ سے انڈیا پاکستان کے درمیانہونے والا لیجنڈز کا میچ منسوخ ہو گیا؟ویسٹ انڈیز کی پوری ٹیم کا 27 رنز پر آؤٹ ہونے کا ریکارڈ: ’مچل سٹارک کی 15 گیندوں پر پانچ وکٹیں، کوئی سرفراز نواز کو یاد نہیں کر رہا‘وکٹوں کی جانب سرکتی گیند اور محمد سراج کا غم: پانچ روزہ صبر آزما کرکٹ کے بعد انگلینڈ 22 رنز سے فاتحڈرامائی آخری اوور، تلخ کلامی اور وقت ضائع کرنے کے الزامات: ’اس ٹیسٹ میں ایکشن، ڈرامہ، تھیٹر اور ہر وہ چیز ہے جو آپ چاہتے ہیں‘Getty Imagesسوشل میڈیا پر فخر کے رن آؤٹ ہونے کے بعد آنے والا ردِ عملفخر کے رن آؤٹ ہونے کے بعد پاکستانی کرکٹ فینز نے خوشدل شاہ پر کڑی تنقید کی اور انھیں اس رن آؤٹ کے لیے موردِ الزام ٹھہرایا۔حاشر نامی ایک کرکٹ فین نے ایکس پر لکھا کہ ’کوئی فرق نہیں پڑتا کہ کیا ہوتا ہے۔ کون کھیلتا ہے۔ فخر زمان اپنی ٹیم میں سب سے اوپر ہیں اور ایک بہترین کھلاڑی ہیں۔ فخر کے ساتھ جو خوشدل نے کیا وہ ٹھیک نہیں تھا۔‘حاشر کے بعد میدان میں آئے شہریار نامی ایک ایکس صارف نے بھی دل کی بھڑاس نکالی اور خوشدل پر غصہ اُتارا اور لکھا کہ ’فخر زمان 44 رنز بنا کر آؤٹ ہو گئے۔ خوشدل شاہ آپ نے یہ کیا کیا؟‘انھوں نے مزید لکھا کہ ’سب سے پہلے تو آپ نے خود رن لینے کے لیے فخر کو آواز دی۔۔۔ پھر جب فخر نکل پڑے تو درمیان سے ہی آپ خود واپس آ گئے اور فخر پھنس گئے۔ آپ نے فخر کے لیے واپسی کا کوئی راستہ نہیں چھوڑا۔ خود غرضی سے کام لیا، فخر بہت کُچھ کر سکتے تھے۔‘فورتھ امپائر کے نام سے ایکس ہینڈل نے لکھا کہ ’خوشدل شاہ کی طرف سے ناقابلِ فہم رن لینے کی کوشش۔ انھیں فخر زمان کے لیے اپنی وکٹ قربان کر دینی چاہیے تھی۔‘تاہم اس سب کے بعد کُچھ لوگوں نے جہاں فخر زمان کی سُست رفتار بیٹنگ پر تنقید کی تو کُچھ نے اُن کے اسی اننگز کے دوران ڈراپ ہو جانے والے دو کیچز کا بھی ذکر کیا۔اسی میچ سے جُڑی ایک اور دلچسپ بات یہ بھی رہی کہ پاکستان کے تین کھلاڑی رون آؤٹ ہوئے جن میں فخر زمان، محمد نواز اور سلمان مرزا شامل ہیں۔’ناقابل شکست‘ باووما: سیاہ فام ’کوٹہ کھلاڑی‘ جنھوں نے جنوبی افریقہ کو ورلڈ ٹیسٹ چیمپیئن بنایااٹلی کی کرکٹ ٹیم نے ٹی ٹوئنٹی ورلڈ کپ کے لیے کوالیفائی کر لیا: ’مطلب ہم ذہنی طور پر تیار رہیں؟‘ڈرامائی آخری اوور، تلخ کلامی اور وقت ضائع کرنے کے الزامات: ’اس ٹیسٹ میں ایکشن، ڈرامہ، تھیٹر اور ہر وہ چیز ہے جو آپ چاہتے ہیں‘وکٹوں کی جانب سرکتی گیند اور محمد سراج کا غم: پانچ روزہ صبر آزما کرکٹ کے بعد انگلینڈ 22 رنز سے فاتحویسٹ انڈیز کی پوری ٹیم کا 27 رنز پر آؤٹ ہونے کا ریکارڈ: ’مچل سٹارک کی 15 گیندوں پر پانچ وکٹیں، کوئی سرفراز نواز کو یاد نہیں کر رہا‘کیا شاہد آفریدی کی وجہ سے انڈیا پاکستان کے درمیانہونے والا لیجنڈز کا میچ منسوخ ہو گیا؟