کوئٹہ کی انسداد دہشت گردی عدالت نے بلوچ یک جہتی کونسل کی قیادت ڈاکٹر ماہ رنگ بلوچ سمیت تمام ملزمان کو مزید بیس روزہ ریمانڈ پر پولیس کے حوالے کردیا۔
عدالت میں پیش ہونے والوں میں ڈاکٹر ماہ رنگ بلوچ کے علاوہ بیبو بلوچ، گلزادی بلوچ، ماما غفار بلوچ، صبغت اللہ شاہ جی اور بیبرگ بلوچ شامل تھے۔ عدالت نے ڈاکٹر ماہ رنگ بلوچ سمیت تمام افراد کو مزید بیس روزہ ریمانڈ پر پولیس کے حوالے کرنے کا حکم جاری کیا۔ یہ حکم انسداد دہشت گردی عدالت نمبر ایک کوئٹہ کے جج نے جاری کیا، اور آئندہ سماعت کی تاریخ بھی مقرر کی گئی۔ مقدمے کی آئندہ سماعت بیس روز بعد ہوگی۔