کیپیٹل ڈیولپمنٹ اتھارٹی سی ڈی اے اسلام آباد نے گزشتہ رات غیر قانونی مساجد کو گرانے کا آپریشن شروع کرتے ہوئے پہلی مسجد مدنی گرا دی۔ راول ڈیم کے قریب مری روڈ پر واقع یہ مسجد ان سو سے زائد مساجد میں سے ایک تھی جنہیں گرانے کے نوٹس گزشتہ دنوں جاری کیے گئے تھے۔ اس سے قبل بھی بارہا اس طرح کے آپریشن شروع کیے گئے تاہم ہر بار ایک آدھ مسجد کے انہدام کے بعد امن و امان کے خطرے کے پیش نظر یہ آپریشن روک دیے جاتے تھے۔ ان میں سے بعض مساجد تو آبادی سے دور ہیں جہاں نمازی نہ ہونے کے برابر ہیں تاہم مذکورہ فہرست میں شامل بعض مساجد قدیم زمانے سے ہیں اور آبادی کے بیچ میں ہونے کے سبب باقاعدہ آباد ہیں۔ منہدم مسجد پر پولیس موجود ہے تاکہ کسی بھی ناخوشگوار صورتحال کو قابو کیا جا سکے۔