مشرقی وسطی بحیرہ عرب میں بننے والا موسمی ڈپریشن شمال شمال مغرب کی سمت آگے بڑھ رہا ہے اور اس وقت 16.1 شمالی عرض البلد اور 66.8 مشرقی طول البلد پر مرکوز ہے۔ محکمہ موسمیات کے مطابق یہ نظام کراچی سے تقریباً 970 کلومیٹر جنوب / جنوب مغرب جبکہ بھارتی شہر ممبئی سے تقریباً 720 کلومیٹر مغرب جنوب مغرب میں موجود ہے۔ محکمہ موسمیات کا کہنا ہے کہ ڈپریشن آئندہ 24 گھنٹوں میں شمال مشرق کی جانب مزید بڑھنے کا امکان ہے۔ اس دوران تھرپارکر کے جنوب مشرقی علاقوں میں ہلکی بارش یا بوندا باندی ہو سکتی ہے۔ سائیکلون وارننگ سینٹر کے مطابق فی الحال پاکستان کے کسی بھی ساحلی علاقے کو کوئی خطرہ نہیں اور ادارہ صورتحال پر مسلسل نظر رکھے ہوئے ہے۔