امریکا نے ہنگری کو روسی تیل اور گیس کی خریداری پر عائد پابندیوں سے ایک سال کی چھوٹ دینے کا فیصلہ کیا ہے۔ غیر ملکی میڈیا کے مطابق وائٹ ہاؤس کے ایک اہلکار نے بتایا کہ ہنگری نے اس عوض تقریباً 600 ملین ڈالر کی امریکی قدرتی گیس خریدنے کا وعدہ کیا ہے۔ دوسری جانب امریکی صدر ڈونلڈ ٹرمپ اور ہنگری کے وزیراعظم وکٹر اوربن کے درمیان وائٹ ہاؤس میں ملاقات ہوئی، جس میں امریکی قدرتی گیس کی خریداری اور دوطرفہ توانائی تعاون پر تبادلہ خیال کیا گیا۔ واضح رہے کہ امریکا نے یوکرین جنگ کے تناظر میں مختلف ممالک کو روس سے تیل اور گیس خریدنے پر پابندی عائد کر رکھی ہے تاہم ہنگری کو اس رعایت کے ساتھ استثنیٰ دیا گیا ہے۔