اسرائیلی وزیراعظم نیتن یاہو نے کہا ہے کہ ایران میں موجودہ حکومت کا خاتمہ اب اسرائیل کے اہم مقاصد میں شامل ہے اور ان کے بقول اس ہدف کا حصول ناممکن نہیں۔ تل ابیب میں اسرائیلی فوج کے جنرل اسٹاف سے خطاب کرتے ہوئے نیتن یاہو نے کہا کہ اسرائیل ایران سے لاحق خطرے کو مستقل طور پر ختم کرنے کی صلاحیت رکھتا ہے۔ انہوں نے دعویٰ کیا کہ ایرانی قیادت اس وقت شدید دباؤ میں ہے اور اپنی بقا کے لیے جدوجہد کر رہی ہے۔ نیتن یاہو کا یہ بیان ایسے وقت سامنے آیا ہے جب ایران اور اسرائیل کے درمیان کشیدگی بدستور خطے کی صورتحال پر اثرانداز ہو رہی ہے۔