ماسکو: روس نے کہا ہے ک یوکرین کے بارے میں فیصلے امریکہ نہیں ماسکو کرے گا۔غیر ملکی خبر رساں ایجنسی کے مطابق روس نے یوکرین کی جانب سے 30 روز جنگ بندی اور پائیدار امن کے لیے امریکی تجویز تسلیم کرنے کے معاملے پر اپنا ردعمل ظاہر کر دیا۔روسی وزارت خارجہ کی ترجمان ماریا ذاکارووا نے کہا کہ روس اور یوکرین کے تنازع کے حوالے سے فیصلے روس خود کرے گا۔انہوں نے کہا کہ روسی فیڈریشن کی پوزیشن کچھ فریقین، معاہدوں اور کوششوں کی وجہ سے فیڈریشن سے باہر نہیں بلکہ اندر طے ہوتی ہے۔اس سے قبل سعودی عرب کی میزبانی میں امریکہ اور یوکرین کے مذاکرات ہوئے جس میں یوکرین نے امریکہ کی 30 دن کی عارضی جنگ بندی کی تجویز قبول کر لی۔مشترکہ اعلامیے کے مطابق امریکہ یوکرین کو انٹیلی جنس شیئرنگ پر پابندی ختم کرے گا۔ اور امریکہ یوکرین کو سیکیورٹی معاونت بھی دوبارہ فراہم کرے گا۔یہ بھی پڑھیں: بنگلہ دیش کی سابق وزیراعظم حسینہ واجد کی خاندانی جائیدادیں اور بینک اکاؤنٹس ضبط کرنے کا حکمامریکہ اور یوکرین نے مذاکراتی ٹیموں کا تعین اور پائیدار امن کے لیے فوری طور پر مذاکرات شروع کرنے پر بھی اتفاق کیا۔امریکہ نے تجاویز پر روس سے بات چیت کا عہد کیا۔ اور یوکرین یورپی پارٹنرز کو امن عمل میں شامل کرے گا۔ امریکہ اور یوکرین نے معدنی ذخائر کا معاہدہ بھی جلد کرنے پر اتفاق کیا۔