قومی ٹیم کے اسسٹنٹ ہیڈ کوچ اظہر محمود نے اسلام آباد یونائیٹڈ کو الوداع کہہ دیا۔ انہوں نے قومی ٹیم کے ساتھ اپنی ذمہ داریوں کے باعث فرنچائز کے ساتھ معاہدہ ختم کیا۔ اسلام آباد یونائیٹڈ نے اظہر محمود کی خدمات کو سراہتے ہوئے ان کے لیے نیک تمناؤں کا اظہار کیا۔پی ایس ایل سیزن 10 کے لیے اسلام آباد یونائیٹڈ نے نیوزی لینڈ کے این بٹلر کی خدمات حاصل کر لی ہیں۔ وہ ٹیم کے بولنگ کوچ کی ذمہ داریاں نبھائیں گے۔این بٹلر پہلی بار پاکستان سپر لیگ میں کوچنگ کے فرائض انجام دیں گے اور ٹیم کی بولنگ لائن کو مزید مضبوط بنانے میں کردار ادا کریں گے۔