"وہ لوگ میرے ساتھ بہت اچھے تھے، انہوں نے کھلے دل سے میرا استقبال کیا۔ مجھے لگا کہ یہ لوگ بہت اچھے ہیں، میں ان کی ثقافت کو سمجھنے کی کوشش کیوں نہ کروں؟" جاپان کی مشہور سابق اداکارہ رائے لل بلیک نے ایک ایسا فیصلہ کیا جس نے ان کی زندگی کو ایک نیا رخ دے دیا۔ انہوں نے اسلام قبول کر لیا اور اپنی سابقہ شناخت کو مکمل طور پر پیچھے چھوڑ دیا۔ اپنی روحانی تبدیلی کے اعلان کے ساتھ ہی، رائے نے اپنے سوشل میڈیا اکاؤنٹس سے تمام غیر اخلاقی مواد بھی ہٹا دیا، یہ ثابت کرتے ہوئے کہ وہ ایک نئے سفر کا آغاز کر چکی ہیں۔ View this post on Instagram A post shared by Kae Asakura (@raelilblack) یہ سفر 2024 میں شروع ہوا جب وہ کوالالمپور، ملائیشیا گئیں اور وہاں پہلی بار اسلام کے قریب ہوئیں۔ وہ ایک مسجد میں داخل ہونے اور مقامی مسلمانوں سے ملنے کے لیے حجاب پہنتی تھیں، اور یہ ان کے لیے ایک ایسا تجربہ ثابت ہوا جس نے ان کے دل میں ایک نیا نور پیدا کر دیا۔ View this post on Instagram A post shared by Kae Asakura (@raelilblack) رمضان المبارک کے دوران، رائے نے روزے رکھنے شروع کیے اور اپنے سوشل میڈیا پر اس حوالے سے تصاویر اور ویڈیوز شیئر کیں، جس میں وہ افطار کرتی اور مساجد کا دورہ کرتی دکھائی دیں۔ کچھ لوگوں نے ان پر محض توجہ حاصل کرنے کا الزام لگایا، جس پر انہوں نے واضح الفاظ میں جواب دیا، "میں اپنا کام کر رہی ہوں، میری نیت اللہ کے سپرد ہے، اس لیے مجھ پر شک نہ کریں، اپنی زندگی پر توجہ دیں۔" انہوں نے تسلیم کیا کہ ان کے ماضی کی کچھ ویڈیوز اب بھی انٹرنیٹ پر موجود ہیں، مگر وہ ان کی مالک نہیں ہیں اور یہ سب پرانی ریکارڈنگز ہیں جنہیں وہ خود ہٹا نہیں سکتیں۔ تاہم، ان کے اس نئے سفر کو دیکھتے ہوئے بہت سے مسلمانوں نے انہیں دعاوں، کھجوروں اور مقدس تحائف سے نوازا، جس پر انہوں نے کہا، "یہ دیکھ کر میرے آنسو نکل آئے، کیونکہ لوگ بہت سپورٹ کرنے والے ہیں اور وہ جج نہیں کرتے۔" رائے لل بلیک کی یہ تبدیلی نہ صرف ان کی اپنی زندگی میں ایک نئی شروعات ہے، بلکہ یہ اس بات کا ثبوت بھی ہے کہ اسلام کسی کو بھی اپنی روشنی میں سمو سکتا ہے، چاہے اس کا ماضی کچھ بھی ہو۔