Getty Imagesپاکستان اور نیوزی لینڈ کے درمیان نیوزی لینڈ میں ہونے والی پانچ ٹی ٹوئنٹی سیریز کے پہلے میچ میں نیوزی لینڈ نے پہلے میچ میں پاکستان کو 9 وکٹوں سے شکست دی دی ہے۔کرائسٹ چرچ کے ہیگلے اوول کرکٹ گراؤنڈ میں سیریز کے ہونے والے پہلے میچ میں میزبان ٹیم نے پاکستان کی جانب سے دیا گیا 92 رنز کا انتہائی آسان ہدف باآسانی ایک وکٹ کے نقصان پر 11 ویں ہی اوور میں حاصل کر لیا۔نیوزی لینڈ کی جانب سے ٹم سائفرٹ نے 44 رنز کی اننگز کھیلی جبکہ فن ایلن 29 اور ٹم رابنسن 18رنز بنا کر ناقابل شکست رہے۔نیوزی لینڈ اور پاکستان کے درمیان ہونے والے اس پہلے ٹی 20 میں میچ میں میزبان ٹیم کے کپتان نے ٹاس جیت کر پاکستان کو پہلے بیٹنگ کی دعوت دی۔ کیویز ٹیم کے کپتان کا فیصلہ اُن کے حق میں رہا اور پاکستان کی ٹیم فقط 91 رنز بنا کر آل آؤٹ ہو کر پویلین لوٹ گئی۔نیوزی لینڈ کے خلاف پاکستانی بیٹنگ لائن میچ کے آغاز سے ہی مشکلات کا شکار رہی اور میچ کے ابتدائی پانچ اوورز میں 11 رنز پر گرین شرٹس کے 4 کھلاڑی پویلین لوٹ چُکے تھے۔اوپنر محمد حارث اور حسن نواز صفر پر آؤٹ ہوئے، عرفان خان ایک رن جبکہ شاداب خان 3 رنز بنا کر آؤٹ ہوئے۔چیمپیئنز ٹرافی میں مایوس کُن کار کردگی کے بعد پاکستانی ٹیم میں نیوزی لینڈ کے خلاف ہونے والیی اس سیریز میں تین نئے کھلاڑیوں عبدالصمد، محمد علی اور حسن نواز نے ڈیبیو کیا۔ تاہم ان میں سے کوئی بھی اچھا پرفارم نہیں کر سکے۔Getty Imagesپاکستان کی جانب سے صرف تین کھلاڑی ایسے تھے کہ جو ڈبل فگر میں سکور بنانے میں کامیاب ہوئے۔ اس پہلے ٹی ٹوئینٹی میچ میں خوش دل شاہ نے سب سے زیادہ 30 گیندوں کا سامنا کیا اور تین چھکے لگا کر 32 رنز بنائے۔ خوش دل کے علاوہ سلمان علی آغا نے 20 گیندوں کا سامنا کیا اور 18 رنز جبکہ جہانداد خان نے 17 گیندوں پر 17 رنز بنائے۔نیوزی لینڈ کی جانب سے جیکب ڈفی نے 4، کائل جیمیسن نے 3 اور اش سوڈھی نے 2 کھلاڑیوں کو آؤٹ کیا، ایک وکٹ زیرکے فالکس کے حصے میں آئی۔پاکستان نیوزی لینڈ سیریز: ’ایک ہی سال میں تین کپتان کھا جانے والی بے یقینی اور سلمان علی آغا‘پاکستانی کرکٹ ٹیم سے بڑے نام ڈراپ: ’پی سی بی کے غلط فیصلوں کا بوجھ اب نئے کھلاڑی اٹھائیں گے‘پاکستان چیمپیئنز ٹرافی کے چھٹے روز ایونٹ سے باہر: ’اب اگر مگر سے بات بہت آگے بڑھ گئی ہے، بس اب آرام سے گھر بیٹھیں‘یہ پاکستان کرکٹ بورڈ ہے یا کوئی فرنچائز کمپنی؟آج کے میچ کی اگر بات کریں تو پہلے پاکستانی بلے باز ناکام ہوئے اور پھر جب باری آئی گیند بازوں کی تو وہ بھی کوئی خاص کارکردگی نہ دکھا سکے اور نیوزی لینڈ کے کھلاڑیوں نے ایک آسان ہدف انتہائی آسانی سے حاصل کر لیا۔پاکستانی کرکٹ ٹیم کی اس بُری پرفارمنس کا غصہ پاکستانی فینز نے سوشل میڈیا پر نکالا۔ سوشل میڈیا پر پاکستانی کرکٹ فینز جہاں انتہائی مایوس اور غصے میں نظر آئے تو وہیں اُن میں سے اکثریت نے ٹیم کے سابق کپتان بابر اعظم کو یاد کیا اور ٹیم مینجمنٹ کو انھیں ٹیم سے باہر رکھنے کے فیصلے کو تنقید کا نشانہ بنایا۔زارق افضل نامی ایک صارف نے ایکس پر اپنی ایک پوسٹ میں پاکستانی کرکٹ ٹیم کے سابق کپتان بابر اعظم کے تصویر شیئر کی اور لکھا کہ ’ایک عقلمند شخص نے کہا کہ آپ کو اس بات کا اندازہ نہیں ہوگا کہ بابر اعظم کتنے اچھے ہیں جب تک کہ وہ چلے نہیں جاتے۔‘عبدالغفار نامی ایک صارف نے ایک پر لکھا کہ ’تاریخ کی بہترین ٹی ٹوئنٹی اوپننگ جوڑی اور ریکارڈ ہولڈر کو ون ڈے فارمیٹ کی بنیاد پر پاکستانی ٹیم سے نکال دیا گیا۔ واہ!‘حمزہ شیخ نے بھی پاکستان کرکٹ ٹیم کی انتہائی غیر ذمہ دارانہ بیٹنگ پر اپنے غم اور غصے کا اظہار کیا اور محمد حارث کو آڑے ہاتھوں لیا، انھوں نے لکھا ’یہ لڑکا گیند دیکھے بغیر ہی ہر گیند پر اپنا بیٹ پھینک رہا تھا، بھائی! یہ آپ کی گلی کا ٹیپ بال ٹورنامنٹ نہیں ہے یہ بین الاقوامی کرکٹ ہے۔‘ندیم نامی ایک سوشل میڈیا صارف نے بس اتنا لکھا 'نیوزی لینڈ کے خلاف پہلے ٹی ٹونٹی میچ میں پاکستان کی بیٹنگ لائن اپ۔' اسی کے ساتھ کُچھ عرصہ قبل سوشل میڈیا پر وائرل ہونے والی وہ ویڈیو شئیر کی کہ جس میں پاکستان کے شمالی علاقے میں ایک دولہے کے ساتھ جاتے باراتی لکڑی کے ایک پُل پر سیلفی بنانے کے لیے رُکتے ہی ہیں تو وہ ٹوٹ جاتا ہے اور تمام باراتی برساتی نالے میں جا گرتے ہیں۔سوریش یادو نامی ایک صارف نے تو پاکستانی بلے باز اور سابق پاکستانی کرکٹ ٹیم کے کپتان معین خان کے بیٹے اعظم خان کو بھی اس پرفارمنس کے بعد یاد کیا انھوں نے ایکس پر اپنی پوسٹ میں لکھا کہ ’آپ کو سورج کی کمی اُس وقت محسوس ہوتی ہے کہ جب برفباری شروع ہو جاتی ہے۔‘ انھوں نے مزید لکھا کے ’یہ وہ ہیں کہ جو پاکستان میں ٹی ٹوئینٹی کو بچا سکتے ہیں۔‘فورتھ امپائر نامی ایک ایکس یوزر نے بھی ٹیم مینجمنٹ کو تنقید کا نشانہ بنایا اور لکھا ’آپ اس بات کو مانیں یہ نہیں مگر بابر اعظم اور محمد رضوان کے بغیر یہ ٹیم تو زمبابوے کے خلاف بھی ایک میچ بھی نہیں جیت سکتی۔‘یہ پاکستان کرکٹ بورڈ ہے یا کوئی فرنچائز کمپنی؟ابرار احمد کے ایکشن پر ٹرولنگ اور دہلی پولیس کا طنز: ’پڑوسی ملک سے ابھی کچھ عجیب سی آواز سُننے میں آئی ہے‘پاکستان چیمپیئنز ٹرافی کے چھٹے روز ایونٹ سے باہر: ’اب اگر مگر سے بات بہت آگے بڑھ گئی ہے، بس اب آرام سے گھر بیٹھیں‘پاکستانی کرکٹ ٹیم سے بڑے نام ڈراپ: ’پی سی بی کے غلط فیصلوں کا بوجھ اب نئے کھلاڑی اٹھائیں گے‘پاکستان نیوزی لینڈ سیریز: ’ایک ہی سال میں تین کپتان کھا جانے والی بے یقینی اور سلمان علی آغا‘دماغ ماؤف کر دینے والے روایتی ٹاکرے میں پاکستان کے لیے انڈیا کو ہرانا اتنا مشکل کیوں رہا ہے؟