واشنگٹن: اسپیس ایکس کے بانی ایلون مسک نے اسٹارشپ راکٹ 2026 کے آخر میں مریخ پر روانہ کرنے کا اعلان کر دیا۔غیر ملکی خبر رساں ایجنسی کے مطابق ٹیسلا کا ہومینونڈ روبوٹ آپٹیمس بھی اس منصوبے میں شامل ہو گا۔ اگر یہ مشن کامیاب رہا تو انسانی لینڈنگ 2029 تک شروع ہو سکتی ہے۔ لیکن 2031 زیادہ متوقع سال ہے۔ٹیسلا کے بانی ایلون مسک نے اپنے بیان میں کہا کہ آپٹیمس روبوٹ مستقبل میں عام گھریلو کام کرنے کے ساتھ ساتھ دوستی بھی فراہم کرسکیں گے۔ اور ان کی قیمت 20 ہزار ڈالر سے 30 ہزار ڈالر کے درمیان ہو گی۔یہ بھی پڑھیں: آئی فون اور آئی پیڈ میں سیکیورٹی خدشات، ایپل نے صارفین کو خبردار کر دیااسٹارشپ دنیا کا سب سے طاقتور اور بڑا راکٹ ہے۔ جو مریخ کو کالونائز کرنے کے ایلون مسک کے خواب کا ایک اہم حصہ ہے۔403 فٹ بلند یہ راکٹ اسٹیچو آف لبرٹی سے تقریباً 100 فٹ لمبا ہے اور مستقبل میں مکمل طور پر دوبارہ استعمال کے قابل ہوگا۔