فیصل آباد: وزیر اعظم کے مشیر رانا ثنا اللہ نے کہا کہ افغانستان کی عوام پاکستان کے ساتھ ہے لیکن حکومت نہیں۔ دہشتگردی پر جو پروپیگنڈا بھارت کر رہا تھا وہی ایک سیاسی جماعت بھی کر رہی تھی۔وزیر اعظم کے مشیر رانا ثنا اللہ نے تقریب سے خطاب کرتے ہوئے کہا کہ دہشت گرد کسی رعایت کے مستحق نہیں ہیں۔ اور دہشتگردی کے واقعات کا کوئی جواز فراہم نہیں کیا جا سکتا۔ پاکستان میں دہشت گردی کے واقعات میں بھارتی خفیہ ایجنسی را ملوث ہے۔انہوں نے کہا کہ یہ مختلف گروپس ہیں جن کے آپس میں خیالات نہیں ملتے۔ اور بھارتی ایجنسی را تمام دہشت گردوں کو اکٹھا کرنے والی ہے۔ بھارتی ایجنسی را دہشت گرد تنظیموں کی ماں کا کردار ادا کر رہی ہے۔رانا ثنا اللہ نے کہا کہ بھارتی خفیہ ایجنسی دہشت گردوں کو فنڈنگ اور اسلحہ بھی فراہم کر رہی ہے۔ جبکہ افغانستان کی حکومت ایک پراکسی کا کردار ادا کر رہی ہے۔ اور افغان حکومت نے دہشت گردوں کو سہولیات فراہم کی ہوئی ہیں۔ پاکستان نے افغان پناہ گزینوں کی سالہا سال مدد کی اور افغانستان کے عوام پاکستان کے ساتھ ہیں لیکن حکومت نہیں۔ افغانستان نے دہشت گردوں کو سہولتیں فراہم کر رکھی ہیں۔انہوں نے کہا کہ دہشتگرد افغانستان میں تیاری کر کے پھر پاکستان میں کارروائی کرتے ہیں۔ دہشت گردی کے واقعے کے ساتھ ہی بھارتی میڈیا نے پراپیگنڈا شروع کر دیا۔ اور اس پروپیگنڈے سے معلوم ہوتا ہے کہ بھارت کو پہلے سے واقعہ کا علم تھا۔یہ بھی پڑھیں: انسانی اسمگلرز کی وجہ سے پاکستان کی بدنامی ہوئی ، ادارے جرم کے خاتمے کیلئے دن رات کام کریں ، شہباز شریفمشیر برائے وزیر اعظم نے کہا کہ دہشتگردی پر جو پروپیگنڈا بھارت کر رہا تھا وہ ایک سیاسی جماعت بھی کر رہی تھی۔ اور افسوس سے ایک سیاسی جماعت کا سوشل میڈیا بھی بھارتی میڈیا کے ساتھ شروع ہو گیا۔ پاک فوج نے آپریشن شروع کیا اور چند گھنٹوں میں دہشت گردوں کو ہلاک کر دیا گیا۔انہوں نے کہا کہ دہشت گردی کے خلاف پوری دنیا متفق ہے۔ اور پوری قوم کو متحد ہونے کی ضرورت ہے۔ پوری قوم کو اپنے شہدا اور غازیوں کے ساتھ کھڑا ہونا چاہیے۔ اور متحد ہو کر ہی دہشت گردی کا مقابلہ کیا جا سکتا ہے۔رانا ثنا اللہ نے کہا کہ بلوچستان میں گرینڈ آپریشن کی صرف باتیں ہیں۔ اور بلوچستان میں گرینڈ آپریشن کی کوئی ضرورت نہیں۔ تاہم بلوچستان میں سیکیورٹی فورسز کے انٹیلی جنس آپریشن جاری ہیں۔ اور روزانہ کی بنیاد پر سینکڑوں انٹیلی جنس بیسڈ آپریشن کیے جا رہے ہیں۔انہوں نے کہا کہ بھارتی میڈیا پروپیگنڈا کررہا ہے کوئی بندہ مسنگ نہیں ہے۔ ٹرین میں سفر کرنے والے تمام مسافروں کو بازیاب کرایا گیا۔ اور انٹیلی جنس بیسڈ آپریشن میں دہشتگردوں کو مارا جا رہا ہے۔