پشاور اور کرک میں دہشتگردوں کے حملوں میں تین ایف سی اور ایک پولیس اہلکار شہید ہو گیا۔کرک میں دہشتگردوں نے تھانہ تخت نصرتی اور تھانہ حرم پر حملے کیے جس میں پولیس سب انسپکٹر اسلم نور شہید ہوئے، اس کے علاوہ کرک میں سوئی گیس فیلڈ پر حملے میں ایک ایف سی اہلکار شہید ہو گیا۔نوشکی دالبندین شاہراہ پر سیکورٹی فورسز کی گاڑی کے قریب دھماکا ، 5 افراد جاں بحقڈی پی او کرک شہباز الہیٰ کا کہنا تھا کہ کرک کے دو تھانوں پر دہشتگردوں کے حملوں کو ناکام بنا دیا ہے، دہشتگردوں نے تھانہ خرم اور تھانہ تخت نصرتی پر بھاری ہتھیاروں سے حملہ کیا تھا۔دوسری جانب پشاور میں تھانہ مچنی گیٹ اور تھانہ خزانہ کے مقامات پر دہشتگردوں نے فائرنگ کی، مچنی گیٹ پر حملے میں پولیس اہلکار نذر علی شہید ہوئے، پولیس نے فوری جوابی کارروائی کر کے دہشتگردوں کو پسپا کر دیا۔