مہاراشٹر کے شہر دھراشیو کے ایک کالج میں ہونے والی تقریب خوشیوں اور جوش و خروش سے بھرپور تھی، مگر چند لمحوں میں ہی ماحول سوگوار ہو گیا۔ 20 سالہ ورشا کھراٹ، جو ایک باصلاحیت اور پرجوش طالبہ تھیں، تقریب میں اسٹیج پر آئیں، اعتماد سے لبریز لہجے میں مراٹھی زبان میں اپنی تقریر کا آغاز کیا۔ حاضرین ان کی گفتگو سے محظوظ ہو رہے تھے، مسکراہٹیں بکھر رہی تھیں، اور ہر کوئی ان کی باتوں میں کھویا ہوا تھا۔ مگر کسی نے یہ نہیں سوچا تھا کہ یہ ان کی زندگی کی آخری تقریر ثابت ہوگی! View this post on Instagram A post shared by Pop Keeda (@popkeeda) چند لمحے پہلے خوشی، چند لمحے بعد سناٹا! ورشا کی آواز آہستہ آہستہ مدھم پڑنے لگی، الفاظ بکھرنے لگے، اور اچانک ان کے قدم لڑکھڑا گئے۔ دیکھتے ہی دیکھتے وہ اسٹیج پر زمین پر گر گئیں! پہلے تو لوگوں کو لگا کہ شاید وہ بے ہوش ہو گئی ہیں، مگر جب وہ حرکت نہ کر سکیں، تو تقریب کا جوش خوف اور پریشانی میں بدل گیا۔ اسپتال لے جانے کی کوشش، مگر بہت دیر ہو چکی تھی! تقریب میں موجود لوگ فوراً آگے بڑھے، کسی نے پانی کے چھینٹے مارے، تو کوئی مدد کے لیے چیختا رہا۔ جلدی سے انہیں قریبی اسپتال منتقل کیا گیا، مگر ڈاکٹروں نے افسوسناک خبر سنا دی – ورشا کھراٹ کو دل کا دورہ پڑا تھا، اور وہ زندگی کی بازی ہار چکی تھیں! یہ ویڈیو ہر کسی کو جھنجھوڑ کر رکھ دے گی! اس اندوہناک واقعے کی ویڈیو بھی سوشل میڈیا پر وائرل ہو گئی، جس میں دیکھا جا سکتا ہے کہ وہ پورے جوش و جذبے سے تقریر کر رہی ہیں، حاضرین بھی ان کے ساتھ مسکرا رہے ہیں، اور پھر اچانک سب کچھ بدل جاتا ہے۔ یہ واقعہ مہارشی گوروواریا شندے مہاودیالیہ میں پیش آیا، مگر اس کا صدمہ دھراشیو شہر سے نکل کر پورے بھارت میں محسوس کیا جا رہا ہے۔