سندھ کے شہر میرپور ماتھیلو میں ریلوے اسٹیشن کے قریب مال بردار ٹرین کے انجن سمیت پانچ بوگیاں ٹریک سے اتر گئیں۔ ابتدائی تحقیقات کے مطابق حادثے کے مقام سے ٹریک اکھڑ گیا ہے جس کی وجہ سے حادثہ رونما ہوا ،جائے حادثہ کے قریب بوگیاں انجن سے الگ ہوکر پٹری سے اتر گئیں ،تاہم کوئی جانی نقصان نہیں ہوا۔ ریلوے حکام کے مطابق مال بردار ٹرین پنجاب سے کراچی جارہی تھی، حادثے کے بعد اپ اور ڈاؤن ٹریک کو بند کردیا گیاہے۔ ریلوے حکام نے دیگر مسافر ٹرینوں کو مختلف اسٹیشنوں پر روک دیا ہے،حادثے کے بعد روہڑی سے ریلیف ٹرین طلب کر کے امدادی کام شروع کردیا گیا ہے۔