اسلام آباد: پاکستان تحریک انصاف (پی ٹی آئی) کے رہنما علی محمد خان نے کہا ہے کہ جس بھی سیاسی تحریک میں تشدد کا عنصر آجائے تو وہ ختم ہو جاتی ہے۔پی ٹی آئی رہنما علی محمد خان نے میڈیا سے گفتگو کرتے ہوئے کہا کہ ہر جمہوری ملک میں لوگ پرامن طور پر مطالبات رکھ کر بیٹھ جاتے ہیں۔ پھر حکومت مذاکرات کرتی ہے اور مسائل کا حل نکل آتا ہے۔انہوں نے کہا کہ ایسا تو کہیں نہیں ہوتا جو گزشتہ رات ہوا۔ اور کوئی بھی سیاسی جماعت یا کارکن اداروں سے لڑتا ہے نہ لڑنا چاہیے۔یہ بھی پڑھیں: مظاہرین کی اموات کی خبروں میں کوئی صداقت نہیں، سیکیورٹی ذرائععلی محمد خان نے کہا کہ پی ٹی آئی کا ایسا کوئی ارادہ نہیں تھا۔ اور لوگ پرامن طور پر بیٹھ گئے تھے۔ تاہم جس بھی سیاسی تحریک میں تشدد کا عنصر آجائے وہ ختم ہو جاتی ہے۔