وزیر اعلیٰ خیبر پختونخوا علی امین گنڈاپور نے کہا ہے کہ یہ دھرنا ایک تحریک ہے جو بانی پی ٹی آئی کی کال تک جاری رہے گا۔مانسہرہ میں پریس کانفرنس کرتے ہوئے علی امین گنڈا پور نے کہا کہ ہم نے اسلام آباد میں احتجاج کے لیے پرامن کال دی ، ہم اپنے جائز حقوق کی بات کر رہے ہیں، ہمیں بانی پی ٹی آئی نے ڈی چوک جانے کی اجازت دی۔سیاسی تحریک میں تشدد کا عنصر آجائے تو وہ ختم ہو جاتی ہے، علی محمد خانانہوں نے کہا کہ ہمارے دھرنے میں لوگوں کو گولیاں ماری گئیں ، ہمارے ہزاروں کارکن گرفتار ہوئے ہیں۔ ہم پر تشدد نہ ہوتا تو ہمارے لوگ بھی جواب نہ دیتے۔علی امین گنڈا پور نے کہا کہ ڈھائی سال سے ہماری جماعت کو ظلم و جبر کا نشانہ بنایا جا رہا ہے، ہمیں عدالتوں سے بھی انصاف نہیں مل رہا۔