چیف جسٹس آف پاکستان یحیی آفریدی نے وزیرِ اعظم محمد شہباز شریف سے نظام انصاف میں بہتری لانے کیلئے تجاویز بھی مانگ لیں۔وزیرِ اعظم کی چیف جسٹس آف پاکستان سے چیف جسٹس ہاؤس میں ملاقات ہوئی۔ اس موقع پر وزیرِ اعظم نے چیف جسٹس کو اپنی ذمہ داریاں سنبھالنے پر مبارکباد پیش کی اور نیک خواہشات کا اظہار کیا۔وزیرِ اعظم نے چیف جسٹس کے جنوبی پنجاب، اندرون سندھ، بلوچستان اور خیبر پختونخوا کے دور دراز علاقوں کا دورہ کرنے اور ملک میں انصاف کی مؤثر و بروقت فراہمی کیلئے تمام اسٹیک ہولڈرز سے مشاورت کے اقدام کو سراہا۔ملاقات میں وزیرِ اعظم نے ملکی معاشی صورتحال اور معاشی و سیکیورٹی چیلنجز پر بھی گفتگو کی۔ وزیرِ اعظم نے ملک کی مختلف عدالتوں میں طویل مدت سے زیر التوا ٹیکس تنازعات کے حوالے سے آگاہ کیا۔وزیراعظم شہباز شریف کی یو اے ای کے صدر سے ملاقات، آرمی چیف کی بھی شرکتوزیرِ اعظم کی چیف جسٹس سے ان کیسسز میں میرٹ پر جلد فیصلوں کی استدعا کی۔اس موقع پر چیف جسٹس یحیی آفریدی نے وزیرِ اعظم کی جانب سے نظام انصاف کی بہتری کیلئے کی گئی گفتگو کا خیر مقدم کیا۔وزیرِ اعظم نے چیف جسٹس کو لاپتہ افراد کے حوالے سے مؤثر اقدامات میں تیزی لانے کی بھی یقین دہانی کروائی۔ملاقات میں وفاقی وزیرِ قانون و انصاف اعظم نذیر تارڑ، وزیرِ اقتصادی امور احد خان چیمہ، اٹارنی جنرل منصور عثمان اعوان، رجسٹرار سپریم کورٹ محمد سلیم خان، سیکریٹری لاء اینڈ جسٹس کمیشن آف پاکستان تنزیلہ صباحت بھی شریک تھے۔