لاہور: پنجاب میں آن لائن ایپ سے چلنے والی گاڑیوں کو صوبائی ٹرانسپورٹ سے اجازت نامہ لینا ہو گا۔آن لائن کیب سروسز کو ریگولیٹ کرنے کے لیے تجاویز پنجاب اسمبلی میں پیش کر دی گئیں۔ بل کے تحت گاڑیوں اور ڈرائیورز کو لائسنس دینے کا نظام متعارف کرایا گیا ہے۔اسمبلی میں پیش کردہ بل کو صوبائی موٹر گاڑیاں ترمیمی ایکٹ 2024 کا نام دیا گیا۔ جس کے مطابق گاڑی مالک یا ڈرائیور کو رجسٹریشن، فٹنس سرٹیفکیٹ اور لائسنس پیش کرنا ہو گا۔یہ بھی پڑھیں: بانی پی ٹی آئی کو جس نے آفر کی اس کا نام بتا دیں، رانا ثنا اللہآن لائن چلنے والی گاڑیوں کا اجازت نامہ ایک سال کے لیے ہو گا اور اسے ہر سال تجدید کرانا ہو گا۔ ایپلی کیشنز کو ڈرائیورز اور گاڑیوں کی معلومات حکومت کو فراہم کرنا ہوں گی۔بل کے متن میں کہا گیا ہے کہ مسافروں کی حفاظت کے لیے ایپس کو شکایات حل کرنے کا نظام بنانا ہو گا۔ جبکہ اگر کوئی ڈرائیور قواعد توڑتا ہے تو اس پر 2 ہزار روپے تک جرمانہ ہو گا۔