کویت کی وزراء کونسل نے عرفات اور عید الاضحیٰ کے موقع پر تعطیلات کا اعلان کردیا۔ عرب میڈیا کے مطابق کویت کی وزراء کونسل نے جمعرات 5 جون سے اتوار 8 جون 2025 تک سرکاری طور پر عام تعطیل کا اعلان کیا ہے۔ چھٹیوں کے بعد پیر 9 جون کو آرام کا دن ہوگا اور منگل 10 جون کو دوبارہ کام شروع ہوگا۔امارات فلکیات سوسائٹی کی طرف سے جاری کردہ فلکیاتی پیشن گوئیوں کے مطابق عید الاضحیٰ اسلامی کیلنڈر کے سب سے اہم تہواروں میں سے ایک 6 جون 2025 بروز جمعہ کو آنے کا امکان ہے۔خیال رہے کہ اسلامی قمری کیلنڈر میں آخری مہینہ ذی الحجہ کے مہینے کے آغاز کی نشاندہی کرنے والا ہلال کا چاند 27 مئی کو نظر آنے کا امکان ہے۔