پاکستان میں سونے کی قیمت میں آج بھی کوئی رد و بدل دیکھنے میں نہیں آیا۔ آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونا بدستور 3 لاکھ 54 ہزار 100 روپے پر مستحکم ہے۔ اسی طرح 10 گرام سونے کی قیمت بھی 3 لاکھ 3 ہزار 583 روپے پر برقرار رہی، جس کا مطلب ہے کہ مارکیٹ میں خریداروں اور فروخت کنندگان کو آج کے نرخوں میں کسی قسم کی تبدیلی کا سامنا نہیں ہوا۔ عالمی سطح پر بھی سونے کی قیمت میں کوئی فرق نہیں آیا۔ بین الاقوامی منڈی میں فی اونس سونا 3 ہزار 357 ڈالر پر ٹکا رہا۔