عیدالاضحیٰ کی تیاریاں ہر طرف زور و شور سے جاری ہیں، لیکن پاکستان کرکٹ ٹیم کے دو ستاروں کو قربانی کے جانور کی تلاش میں ایسی آزمائش کا سامنا کرنا پڑا جو ان کے لیے میچ جیتنے سے بھی زیادہ مشکل بن گئی۔ فاسٹ بولر حارث رؤف اور آل راؤنڈر فہیم اشرف منڈی تو پہنچے، مگر دل کو بھانے والا بکرا ہاتھ نہ آیا۔ سوشل میڈیا پر وائرل ہونے والی ایک ویڈیو میں دیکھا جا سکتا ہے کہ دونوں کھلاڑی خوب تیار ہو کر جانوروں کی خریداری کے لیے منڈی پہنچے۔ ویڈیو میں حارث اور فہیم پنجابی میں دکانداروں سے بھاؤ تاؤ کرتے دکھائی دیے، لیکن آخرکار تمام کوششیں بےسود ثابت ہوئیں۔ نہ قیمت پر بات بنی، نہ دل کو لگنے والا جانور ملا۔ کافی وقت اور مشقت کے بعد جب بکرے کی تلاش بےنتیجہ رہی تو دونوں نے دنبے خرید کر ہی اپنی قربانی مکمل کرنے کا فیصلہ کیا۔ Bargains, banter and Bakras! 🐐Check out @HarisRauf14 and @iFaheemAshraf's fun-filled trip to the Bakra Mandi 🤩🎥 𝑾𝑨𝑻𝑪𝑯 𝑭𝒖𝒍𝒍 𝑽𝒊𝒅𝒆𝒐 ➡️ https://t.co/cAqb4rz73Z#EidAlAdha2025 pic.twitter.com/UBS6XtbS9Y— Pakistan Cricket (@TheRealPCB) June 6, 2025 دوسری جانب، عید کے موقع پر پاکستان کرکٹ ٹیم کے کپتان اور تمام کھلاڑیوں نے قوم کو عید کی مبارکباد پیش کی، اور اس بات پر زور دیا کہ خوشی کے اس موقع پر ان لوگوں کو بھی یاد رکھا جائے جو زندگی کی بنیادی سہولتوں سے محروم ہیں۔ خواتین کرکٹرز نے بھی یہی پیغام دیا کہ حقیقی خوشی تب ہی مکمل ہوتی ہے جب معاشرے کے کمزور طبقے کو بھی اس میں شریک کیا جائے۔