آئل اینڈ گیس ریگولیٹری اتھارٹی (اوگرا) نے کہا ہے کہ ملک میں پیٹرولیم مصنوعات کے وافر ذخائر موجود ہیں۔ ترجمان اوگرا کے مطابق اوگرا کی آئل مارکیٹنگ کمپنیز کو 20 دن کے ذخائر لازمی برقرار رکھنے کی ہدایت کی گئی ہے۔ اور تمام آئل مارکیٹنگ کمپنیاں لائسنس کی شرائط پر عملدرآمد یقینی بنائیں۔واضح رہے کہ ایران اسرائیل جنگ کے تناظر میں وفاقی حکومت نے آئل کمپنیوں کو تیل ذخیرہ رکھنے کی ہدایت کر رکھی ہے۔ اوگرا نے آئل کمپنیوں کو ہدایت کی ہے کہ حالیہ علاقائی صورتحال کے سبب تمام آئل مارکیٹنگ کمپنیاں تیل کا ذخیرہ یقینی بنائیں۔پاکستان اسٹیٹ آئل (پی ایس او) حکام کے مطابق حکومتی ہدایات کے بعد پی ایس او نے تقریباً 7 کروڑ لیٹرز کا ہنگامی ٹینڈر جاری کیا ہے۔ اور تیل بردار جہاز 10 دن کے اندر کراچی پورٹ پہنچ جائے گا۔