محکمہ موسمیات نے اگلے چند روز تک مون سون کی بارشیں جاری رہنے اور پانچ جولائی کو ان میں شدت آنے کا امکان ظار کیا ہے۔بدھ کو جاری ہونے والی پریس ریلیز میں محکمہ موسمیات کی جانب سے بتایا گیا ہے کہ چھ جولائی کو مغربی ہواؤں کا سلسلہ بھی ملک کے بالائی علاقوں میں داخل ہو گا۔بیان کے مطابق چھ سے 10 جولائی تک دیامیر، استور، غذر، سکردو، ہنزہ اور گلگت بلستان کے بعض علاقوں میں وقفے وقفے سے بارش کا امکان ہے۔پانچ سے 10 جولائی کے دوران اسلام آباد، راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیر آباد، لاہور، شیخوپورہ، سیالکوٹ، ساہیوال، جھنگ، ٹوبہ ٹیک سنگھ، قصور، خوشاب، سرگودھا اور بھکر سمیت ملحقہ علاقوں میں وقفے وقفے سے جبکہ بعض مقامات پر موسلادھار بارشوں کا امکان ہے۔اسی طرح چھ سے آٹھ جولائی کے دوران بہاولپور، بہاولنگر، ڈی جی خان، ملتان، خانیوال، لودھران، مظفر گڑھ، راجن پور، رحیم یار کان اور لیہ میں تیز ہوائیں چلنے کے ساتھ ساتھ بارش بھی متوقع ہے۔اسی طرح تین اور چار جولائی کو گوادر وار بلوچستان کے دوسرے علاقوں جیسے شیرانی، موسیٰ خیل، لورالائی، سبی، بارکھان، نصیر آباد، قلات، لسبیلہ، خضدار جعفر آباد سمیت دوسرے مقامات پر بادل برسنے کا امکان ہے۔ انہی ایام میں سندھ کے علاقوں تھرپارکر، میر پرر خاص، سانگھڑ، سکھر، جیکب آباد، خیر پور، حیدر آباد، بدین اور کراچی میں تیز ہواؤں کے ساتھ ساتھ گرج چمک کے ساتھ ہلکی بارش کا امکان ہے۔اس دوران سندھ کے جنوب مشرقی اور زیریں علاقوں میں چند مقامات پر موسلادھار بارش بھی ہو سکتی ہے۔شہریوں کو محتاط رہنے کی ہدایتبیان میں یہ بھی کہا گیا ہے کہ بارشوں کے باعث مری، گلیات، مانسہرہ، کوہستان، ایبٹ آباد، بونیر، چترال، دیر، سوات شانگلہ جبکہ مشرقی پنجاب اور بلوچستان کے بعض مقامات پر ندی نالوں میں طغیانی پیدا ہونے کے خدشات ہیں اس لیے عوام کو محتاط رہنے کی ہدایت کی گئی ہے۔رپورٹ میں شہریوں کو غیرضروری سفر سے گریز کرنے کا بھی کہا گیا ہے اور کاشتکاروں کو بھی ہدایت کی گئی ہے کہ وہ موسم کی صورت حال کے حساب سے اپنے معمولات ترتیب دیں۔محکمہ موسمیات کے مطابق تمام متعقلہ اداروں کو الرٹ رہنے اور تمام ضروری اقدامات کرنے کی ہدایت کی گئی ہے۔