خیبر پختونخوا کے سینیٹ انتخابات میں حکومت نے 6 جبکہ اپوزیشن جماعتوں نے 5 نشستوں پر کامیابی حاصل کرلی۔
الیکشن کمیشن نتائج کے مطابق خیبر پختونخوا میں سینیٹ کی 11 نشستوں پر مراد سعید، مرزا آفریدی، فیصل جاوید، نورالحق قادری جنرل نشست پر کامیاب ہوئے جبکہ ٹینکو کریٹ کی نشست پر اعظم سواتی اور خواتین کی نشست پر روبینہ ناز کامیاب ہوئیں۔
پاکستان مسلم لیگ کے نیاز احمد خان، جے یو آئی کے عطاالحق درویش، پیپلز پارٹی کے طلحہ محمود جنرل نشست پر، ٹینکو کریٹ پر جے یو آئی کے دلاور خان اور خواتین کی نشست پر پیپلز پارٹی کی روبینہ خالد کامیاب ہوئیں۔
نتائج کے مطابق پی ٹی آئی کے امید وار مراد سعید جنرل نشست پرجیت گئے انہیں 26 ووٹ ملے، فیصل جاوید کو 22 اور نورالحق قادری کو 21 ووٹ ملے، مرزا آفریدی 21ووٹ حاصل کرسکے۔ خواتین کی نشست پر پی ٹی آئی کی امید وار روبینہ ناز 89 ووٹ لے کر کامیاب ہوئیں، ٹیکنو کریٹ کی نشست پر اعظم سواتی نے 89 ووٹ لیے جبکہ دلاور خان نے 54 ووٹ، نیاز احمد خان نے 18، مولانا عطاء الحق درویش 18 ،طلحہ محمود 17، روبینہ خالد 52 ووٹ لیکر کامیاب ہوئیں۔
خیبر پختونخوا میں سینیٹ کی 11 نشستوں پرووٹ ڈالے گئے اور اسمبلی کے تمام 145 اراکین نے ووٹ کاسٹ کیا۔
الیکشن کمیشن آف پاکستان نے کامیاب امیدواروں سے متعلق اعلامیہ جاری کردیا۔