گوگل نے مصنوعی ذہانت پر مبنی ایک نیا فیچر متعارف کرایا ہے جس کے ذریعے صارفین اب آن لائن ورچوئلی اپنے منتخب کردہ کپڑے پہن کر دیکھ سکتے ہیں کہ وہ ان پر کیسے لگیں گے۔ ٹیکنالوجی ویب سائٹ کے مطابق یہ نیا فیچر صارفین کو گوگل سرچ، گوگل شاپنگ اور گوگل امیجز پر دستیاب ہوگا۔ جب صارفین کسی لباس کی تلاش کریں گے تو انہیں "Try It On" یعنی "پہن کر دیکھیں" کا آپشننظر آئے گا۔ اس آپشن پر کلک کرنے کے بعد صارف اپنی مکمل تصویر اپلوڈ کریں گے، جس پر گوگل کا اے آئی ٹول یہ دکھائے گا کہ وہ مخصوص لباس صارف پر پہننے کے بعد کیسا دکھائی دے گا۔گوگل کی جانب سے بتایا گیا ہے کہ صارفین نہ صرف اپنی ورچوئل تصاویر دیکھ سکتے ہیں بلکہ ان اندازوں کو محفوظ کرکے دوسروں سے بھی شیئر کر سکتے ہیں۔اس سے قبل گوگل صرف ماڈلز پر لباس کا ورچوئل پریویو فراہم کرتا تھا، تاہم اب یہ سہولت صارفین کو خود پر لباس آزمانے کا موقع دے رہی ہے۔واضح رہے کہ گوگل نے حال ہی میں ایک تجرباتی ایپ DOPPEL بھی متعارف کروائی ہے جو اے آئی کے ذریعے مختلف کپڑوں کو پہننے کی ویڈیوز تیار کرتی ہے تاکہ صارف بہتر فیصلہ کر سکے۔ دونوں فیچرز جنریٹیو اے آئی ٹیکنالوجی سے چلتے ہیں۔فی الحال یہ سہولت صرف امریکا میں دستیاب ہے۔