چکوال کے قریب نجی کمپنی کی مسافر بس الٹنے کے نتیجے میں سات مسافر ہلاک اور 10 سے زائد زخمی ہوئے جبکہ 10 معمولی زخمی ہوئے۔اتوار کو موٹر وے پولیس کی جانب سے جاری بیان میں بتایا گیا ہے کہ حادثہ تھوڑ دیر قبل ہوا۔بیان کے مطابق ’راولپنڈی سے لاہور جانے والی بس کا اگلا ٹائر بلکسر انٹرچینج کے قریب پھٹ گیا جس کے بعد ڈرائیور گاڑی پر قابو نہ رکھ سکا۔‘واقعے کے بعد موٹر وے پولیس کے حکام موقع پر پہنچ گئے۔بیان کے مطابق زخمیوں کو مرنے والوں اور زخمیوں کو ڈی ایچ کیو چکوال پہنچا گیا گیا ہے جبکہ 10 کے قریب معمولی زخمیوں کو موقع پر طبی امداد فراہم کی جا رہی ہے۔موٹر وے پولیس کا کہنا ہے کہ اس وقت امدادی کارروائیاں جاری ہیں اور کرین کی مدد سے الٹی ہوئی بس کو سیدھا کیا جا رہا ہے۔رپورٹس کے مطابق مرنے والوں میں خواتین اور بچے بھی شامل ہیں جن میں سے چند کی شناخت حبیبہ بی بی، آٹھ سالہ حیدر محسن، 26 سالہ ام حبیبہ محسن، خدیجہ خلیق اور سردار ندیم کے ناموں سے ہوئی ہے۔