’یوکرین کو ڈیل کرنا ہوگی‘، ڈونلڈ ٹرمپ اور زیلنسکی کی ملاقات پیر کو ہو گی


روسی صدر ولادیمیر پوتن کے ساتھ ملاقات کے بعد امریکی صدر ڈونلڈ ٹرمپ نے کہا ہے کہ یوکرین کو روس کے ساتھ جنگ کے خاتمے کے لیے معاہدے پر اتفاق کرنا چاہیے کیونکہ ’روس ایک بہت بڑی طاقت ہے اور یوکرین نہیں ہے۔‘امریکی نیوز ایجنسی ایسوسی ایٹڈ پریس کے مطابق یوکرین کے صدر ولادیمیر زیلنسکی پیر کو واشنگٹن میں امریکی صدر ڈونلڈ ٹرمپ سے ملاقات کریں گے، جو جنگ بندی کے بجائے ایک مجموعی امن معاہدے کی طرف مائل ہو گئے ہیں۔ٹرمپ نے سنیچر کو یورپی رہنماؤں اور یوکرین کے صدر ولودیمیر زیلنسکی کے ساتھ ٹیلیفون کال کے بعد ایک سوشل میڈیا پوسٹ میں کہا کہ ’یہ سب نے طے کیا تھا کہ روس اور یوکرین کے درمیان خوفناک جنگ کو ختم کرنے کا بہترین طریقہ براہ راست امن معاہدے پر جانا ہے، جس سے جنگ ختم ہو جائے گی، نہ کہ محض جنگ بندی کا معاہدہ جو اکثر اوقات پورا نہیں ہوتا۔‘ٹرمپ کی کال کے بعد ایک بیان میں یورپی رہنماؤں نے اس بات پر توجہ نہیں دی کہ آیا امن معاہدہ جنگ بندی سے بہتر ہے۔ انہوں نے کہا کہ ’یوکرین میں ہلاکتوں کو روکنے، روس کی جارحیت کی جنگ کو ختم کرنے اور منصفانہ اور دیرپا امن کے حصول کے لیے صدر ٹرمپ کی کوششوں کا خیر مقدم کرتے ہیں۔‘ٹرمپ اور یوکرین کے یورپی اتحادی کسی بھی مذاکرات سے قبل جنگ بندی کا مطالبہ کر رہے تھے۔لندن میں انٹرنیشنل انسٹی ٹیوٹ آف سٹریٹجک سٹڈیز کے سینیئر فیلو نائجل گولڈ ڈیوس نے کہا کہ ٹرمپ کا یہ بیان کہ جنگ بندی سے پہلے امن معاہدہ ہونا چاہیے، ظاہر کرتا ہے کہ ٹرمپ کی سوچ ’پوتن کی طرف‘ مائل ہو رہی ہے، ایک ایسا نقطہ نظر جو ماسکو کو مذاکرات کے دوران لڑائی جاری رکھنے کی اجازت دے گا۔زیلنسکی، جنہیں سربراہی اجلاس کے لیے الاسکا میں مدعو نہیں کیا گیا تھا، نے کہا کہ انہوں نے سنیچر کو ٹرمپ کے ساتھ ’طویل اور ٹھوس‘ بات چیت کی۔ انہوں نے کہا کہ وہ پیر کو ’ہلاکتوں اور جنگ کے خاتمے کے حوالے سے تمام تفصیلات پر تبادلہ خیال کریں گے۔‘28 فروری کو اوول آفس کی ایک غیرمعمولی میٹنگ کے دوران ٹرمپ کی جانب سے ’بے عزتی‘ کرنے کے بعد سے زیلنسکی کا یہ پہلا دورہ امریکہ ہوگا۔

 
 

Watch Live TV Channels
Samaa News TV 92 NEWS HD LIVE Express News Live PTV Sports Live Pakistan TV Channels
 

مزید عالمی خبریں

انڈیا چین سرحدی تنازع، مذاکرات کے لیے چینی وزیر خارجہ پیر کو انڈیا کا دورہ کریں گے

انڈیا چین سرحدی تنازع، مذاکرات کے لیے چینی وزیر خارجہ پیر کو انڈیا جائیں گے

آسٹریلیا: ایک کروڑ ڈالر کی چوری میں ملوث انڈین شہریوں کا گینگ گرفتار، خاتون بھی شامل

’یوکرین کو ڈیل کرنا ہوگی‘، ڈونلڈ ٹرمپ اور زیلنسکی کی ملاقات پیر کو ہو گی

ایئر کینیڈا کا عملہ ہڑتال پر: سینکڑوں پروازیں منسوخ، ایک لاکھ سے زائد مسافر متاثر

الاسکا میں ٹرمپ کی پوتن سے ملاقات کے بعد انڈیا روسی تیل خرید پائے گا؟

پنجاب میں 17 اگست سے شدید بارشوں سے دریاؤں میں اونچے درجے کے سیلاب کا خدشہ

پنجاب میں شدید بارشوں اور سیلاب کا الرٹ، گلگت بلتستان سمیت پہاڑی علاقوں میں لینڈ سلائیڈ اور طغیانی کا انتباہ

اے لیولز میں 24 اے گریڈز لانے والی ماہ نور چیمہ جنھیں آکسفرڈ یونیورسٹی میں داخلے کا ’ایک ہزار فیصد یقین تھا‘

وہ آن لائن گیم جس میں ہزاروں خواتین کا ’شکار‘ کیا گیا اور ان کی خفیہ ویڈیوز بنائی گئیں

یوکرین معاہدے میں ’پیشرفت‘ کے بعد پیر کو ٹرمپ کی زیلنسکی سے ملاقات متوقع

صدر پوتن کی ملاقات ’انتہائی نتیجہ خیز‘ لیکن کوئی ڈیل نہیں ہوسکی: ڈونلڈ ٹرمپ

یوکرین کے معاملے پر معاہدہ نہیں ہوا لیکن ’پیش رفت‘ ضرور ہوئی: ڈونلڈ ٹرمپ

ٹرمپ ، پیوٹن ملاقات: جنگ بندی پر کوئی باضابطہ اعلان نہ ہوسکا

اے لیول میں ریکارڈ 24 اے گریڈز حاصل کرنے والی ماہ نور چیمہ: ’اب لگتا ہے کہ اپنے خواب پورے کرنے کا وقت آگیا ہے‘

عالمی خبریں تازہ ترین خبریں
پاکستان کی خبریں کھیلوں کی خبریں
آرٹ اور انٹرٹینمنٹ سائنس اور ٹیکنالوجی