پاکستانی مارکیٹ میں سونے کی قیمتوں میں معمولی کمی ریکارڈ کی گئی ہے۔ مقامی صرافہ ایسوسی ایشن کے مطابق فی تولہ سونا 200 روپے سستا ہو کر 3 لاکھ 86 ہزار 300 روپے پر آ گیا۔ اسی طرح 10 گرام سونے کی قیمت بھی 172 روپے گھٹ کر 3 لاکھ 31 ہزار 189 روپے رہ گئی ہے۔ یاد رہے کہ گزشتہ روز فی تولہ سونے کی قیمت میں 2500 روپے کا نمایاں اضافہ ہوا تھا۔ دوسری جانب عالمی منڈی میں بھی سونے کی قدر میں کمی دیکھی گئی ہے، جہاں فی اونس ریٹ 2 ڈالر کم ہو کر 3643 ڈالر ریکارڈ کیا گیا۔