"انہیں جینے دیں، اپنی زندگی انجوائے کرنے دیں" "اب ان کی بیوی ضرور ٹی وی پر دوپٹہ لے کر آئے گی" یہاں تو بیوی کے سر سے دوپٹہ نہیں اترتا اور وہاں ڈانس کررہی ہیں "یہ ہیں ہمارے ملک کے نیک لوگ" پاکستان کے معروف اینکر اقرار الحسن ایک بار پھر سوشل میڈیا کی توجہ کا مرکز بن گئے ہیں۔ سچ اگلنے والے شو "سرِ عام" سے شہرت پانے والے اقرار الحسن اپنی ذاتی زندگی کے باعث بھی اکثر خبروں میں رہتے ہیں۔ ان کی شادیاں، خاندان اور بیویوں کے ساتھ غیر ملکی دورے ہمیشہ ہی مداحوں کے درمیان بحث کا موضوع بنتے رہے ہیں۔ اب ان کی ایک مبینہ ویڈیو انٹرنیٹ پر وائرل ہو گئی ہے جس میں دعویٰ کیا جا رہا ہے کہ وہ اپنی دوسری اہلیہ فراح اقرار کے ساتھ بارسلونا میں چھٹیاں منا رہے تھے۔ سوشل میڈیا پر وائرل اس ویڈیو میں دونوں کو ایک کلب میں رقص کرتے اور خوشگوار انداز میں وقت گزارتے دیکھا جا سکتا ہے۔ کسی شخص نے، جس نے اقرار اور فراح کو پہچان لیا، یہ ویڈیو بنا کر انٹرنیٹ پر ڈال دی۔ View this post on Instagram A post shared by Safina Khan (@safinakhan) ویڈیو سامنے آتے ہی انٹرنیٹ صارفین نے اپنی رائے کا اظہار شروع کر دیا۔ کچھ لوگوں نے کہا کہ اقرار کو اپنی نجی زندگی جینے کا حق ہے، جبکہ دوسروں نے طنزیہ تبصرے کیے اور معاملے کو بحث کا رخ دے دیا۔ یہ پہلا موقع نہیں کہ اقرار الحسن اپنی ذاتی زندگی کے باعث خبروں میں آئے ہوں۔ تاہم، اس بار وائرل ویڈیو نے مداحوں کو ایک بار پھر تقسیم کر دیا ہے، کچھ انہیں سپورٹ کر رہے ہیں تو کچھ تنقید کا نشانہ بنا رہے ہیں۔ اقرار الحسن کے مداح اب یہ جاننے کے منتظر ہیں کہ وہ یا ان کی اہلیہ اس مبینہ ویڈیو پر کیا ردعمل دیتے ہیں۔