Getty Imagesفخر زمان آٹھویں اوور میں آؤٹ ہوئےایشیا کپ کا چھٹا میچ آج روایتی حریف پاکستان اور انڈیا کے درمیان دبئی میں کھیلا جا رہا ہے۔ پاکستان نے ٹاس جیت کر پہلے بیٹنگ کا فیصلہ کیا ہے۔ دونوں ٹیموں نے پلیئنگ الیون میں کوئی تبدیلی نہیں کی ہے۔اس وقت میچ میں پاکستان کی بیٹنگ جاری ہے۔ انڈیا کی طرف سے پہلا اوور ہاردک پانڈیا نے کرایا جس کی پہلی گیند پر صائم ایوب کیچ آؤٹ ہو گئے۔ وہ سکوائر ڈرائیو کھیلنا چاہتے تھے مگر اپنی شاٹ کنٹرول نہیں کر سکے۔ ان کا کیچ پوائنٹ فیلڈر جسپریت بمرا نے پکڑا۔دوسرا اوور جسپریت بمرا نے کرایا جس کی دوسری گیند پر محمد حارث نے جارحانہ شاٹ کھیلنے کی کوشش کی مگر ان کا کیچ ہاردک پانڈیا نے پکڑا۔اس کے بعد فخر زمان اور صاحبزادہ فرحان کے درمیان شراکت قائم ہوئی۔ پاور پلے کے اختتام تک پاکستان کو 42 رنز جبکہ انڈیا کو دو وکٹیں حاصل ہوئیں۔ اس دوران صاحبزادہ فرحان نے بمرا کو دو چھکے بھی لگائے۔ Getty Imagesصاحبزادہ فرحان نے بمرا کو دو چھکے لگائےپاکستان کو آٹھویں اوور میں تیسری وکٹ کا نقصان ہوا۔ اکشر پٹیل کی گیند پر فخر زمان نے قدم نکال کر سیدھا چھکا لگانے کی کوشش کی مگر وہ اپنی شاٹ کو ٹائم نہ کر سکے۔ لانگ آن پر ان کا کیچ تلک ورما نے پکڑا۔ اس کے بعد کپتان سلمان آغا کریز پر آئے۔ انھوں نے اپنی دوسری گیند پر ورون چکرورتی کو پیڈل سویپ کھیلنے کی کوشش کی مگر ایل بی ڈبلیو ہوگئے۔ تاہم سلمان آغا نے ریویو لیا جس پر امپائر کو فیصلہ تبدیل کرنا پڑا۔ نویں اوور تک پاکستانی ٹیم 32 ڈاٹ ڈیلیوریز کھیلی تھیں، یعنی ان گیندوں پر بلے باز کوئی سکور نہیں بنا سکے تھے۔ 10ویں اوور میں کپتان سلمان نے رن ریٹ بڑھانے کی کوشش کی مگر وہ اکشر پٹیل کا دوسرا شکار بنے۔ 10 اوورز کے اختتام پر پاکستان کے چار وکٹوں کے نقصان پر 49 رنز تھے۔ Getty Imagesٹاس کے موقع پر پاکستانی کپتان سلمان علی آغا کا کہنا تھا کہ اس میچ میں وہ سپنرز پر انحصار کریں گے، لہذا حارث رؤف کو ٹیم میں شامل نہیں کیا گیا۔ جبکہ انڈین کپتان سوریا کمار یادیو نے کہا کہ وہ ٹاس جیت کر بولنگ کا فیصلہ ہی کرنا چاہتے تھے۔ ان کا خیال ہے کہ دوسری اننگز میں بیٹنگ قدرے آسان ہو گی۔ ویسے تو ایشین کرکٹ کونسل کی طرف سے اس میچ کے لیے ٹکٹوں کی دستیابی کا اعلان 2 ستمبر کو ہی کر دیا گیا تھا مگر معمول کے برعکس اس بار میچ کچھ ہی دنوں میں 'سولڈ آؤٹ' نہیں ہوا۔ بلکہ 14 ستمبر تک بعض سٹینڈز کی ٹکٹیں دستیاب رہیں۔دونوں ٹیمیں ایشیا کپ میں ابتدائی میچ جیت چکی ہیں۔ انڈیا نے متحدہ عرب امارات کے خلاف نو وکٹوں سے فتح حاصل کی تھی جبکہ عمان کے خلاف پاکستانی ٹیم 93 رنز سے فتحیاب ہوئی تھی۔’کیا کرکٹ اور خون اکٹھے بہہ سکتے ہیں؟‘ پاکستان اور انڈیا کے درمیان ایشیا کپ کے یادگار مقابلے: جب آفریدی کے دو چھکوں نے پانسا پلٹ دیاپاکستان سے میچ نہ کھیلا تو ٹورنامنٹ سے باہر ہو جائیں گے: بی جے پی رُکن پارلیمنٹ انوراگ ٹھاکرحریفوں کے لیے ’ناقابلِ پیش گوئی‘ بنتا پاکستانGetty Imagesاگر ٹی ٹوئنٹی میچوں میں حالیہ کارکردگی دیکھی جائے تو پاکستان اور انڈیا دونوں نے گذشتہ پانچ میچوں میں سے چار میں فتح حاصل کی ہے۔ تاہم 2021 سے 2024 تک ایک دوسرے کے خلاف کھیلے گئے میچز میں انڈیا کا پلڑا بھاری رہا۔ گذشتہ پانچ مقابلوں میں سے تین انڈیا کے نام رہے جبکہ دو پاکستان نے جیتے۔یہ تمام میچز ٹی ٹوئنٹی ورلڈ کپ یا ایشیا کپ میں ہی کھیلے گئے تھے۔ سفارتی تناؤ کے باعث دونوں ملکوں کے درمیان دو طرفہ سیریز تعطل کا شکار رہی ہے۔آج کا میچ بھی ایک ایسے وقت میں کھیلا جا رہا ہے جب اپریل میں پہلگام حملے اور مئی کی فوجی جھڑپوں کے بعد دونوں ملکوں کے درمیان تناؤ موجود ہے۔Getty Imagesدبئی سٹیڈیم کے مہنگے سٹینڈز کی ٹکٹیں آج بھی دستیابایشیا کپ کے میچز کی ٹکٹیں پلاٹینم لسٹ نامی ویب سائٹ پر فروخت کی جا رہی ہیں۔ اس کی ویب سائٹ پر اب بھی پاکستان اور انڈیا کے میچ کی ٹکٹیں دستیاب ہیں۔پلاٹینم لسٹ کی ویب سائٹ پر دیکھا جا سکتا ہے کہ بعض سٹینڈز جیسے جنرل ایسٹ (لوئر)، پلاٹینم ہاسپٹیلٹی اور سکائی بوکس کی ٹکٹیں سولڈ آؤٹ ہو چکی ہیں۔ مگر بعض مہنگے سٹینڈز جیسے پریمیئم، پویلین ایسٹ، پویلین ویسٹ اور باؤنڈری لانج کی ٹکٹیں اب بھی دستیاب ہیں۔ان ٹکٹوں کی قیمتیں 212 سے 1700 امریکی ڈالر تک ہیں۔ٹکٹوں کی ری سیل کے ایک پلیٹ فارم ویاگوگو کے مطابق 14 ستمبر تک پاکستان اور انڈیا کے درمیان میچ کی 124 ٹکٹیں اب بھی دستیاب ہیں۔ اسی طرح ری سیل کی ایک اور ویب سائٹ ٹی کومبو پر 113 سیلرز 122 سے 3051 امریکی ڈالر کے عوض اپنی ٹکٹیں فروخت کر رہے ہیں۔انڈین خبر رساں ادارے اے این آئی نے اماراتی کرکٹ بورڈ کے ایک اہلکار کے حوالے سے لکھا ہے کہ 'ہم حیران ہیں پاکستان اور انڈیا کے میچ کی ٹکٹوں کی فروخت سست روی کا شکار ہے۔۔۔ چیمپیئنز ٹرافی کے میچ کی تمام ٹکٹیں چار منٹ سے بھی کم وقت میں فروخت ہو گئی تھیں۔ ممکن ہے ایسا روہت شرما اور ورات کوہلی کی عدم موجودگی کے باعث ہے۔'دوسری طرف انڈیا میں بعض حلقے اس میچ کے بائیکاٹ کا مطالبہ بھی کر رہے ہیں اور اس کی وجہ اپریل میں انڈیا کے زیرِ انتظام کشمیر کے سیاحتی مقام پہلگام پر حملے کو قرار دے رہے ہیں۔ انڈین حکام اس حملے کا ذمہ دار پاکستان کو ٹھہراتے ہیں مگر اسلام آباد نے اس الزام کی تردید کی ہے اور آزادانہ تحقیقات کا مطالبہ کیا ہے۔دونوں ملکوں کے درمیان مئی میں چار روز تک فوجی جھڑپیں بھی ہوئی ہیں جس میں دونوں ملکوں نے ایک دوسرے کے جنگی طیارے مار گرانے کا دعویٰ کیا تھا۔ اسی طرح انڈیا اور پاکستان دونوں نے ہی ایک دوسرے پر میزائل اور ڈرون حملوں کا بھی الزام لگایا ہے۔پاکستان اور انڈیا کے درمیان ایشیا کپ کے یادگار مقابلے: جب آفریدی کے دو چھکوں نے پانسا پلٹ دیا’کیا کرکٹ اور خون اکٹھے بہہ سکتے ہیں؟‘ پاکستان سے میچ نہ کھیلا تو ٹورنامنٹ سے باہر ہو جائیں گے: بی جے پی رُکن پارلیمنٹ انوراگ ٹھاکرحریفوں کے لیے ’ناقابلِ پیش گوئی‘ بنتا پاکستانمسلمانوں کی سرپرستی سے چمکنے والا کرکٹ سٹار ’لالا امرناتھ‘: ’وہ لڑکا لاہور کی سڑکوں سے اٹھا اور شہزادوں کے ساتھ چلنے لگا‘جب افغانستان کو ایشیا کی ’دوسری بہترین ٹیم‘ قرار دیے جانے پر پاکستانی کپتان مسکرا دیے