پشاور کے اسکولوں کے لیے محکمہ تعلیم نے ویکسینیشن کے حوالے سے ہدایت نامہ جاری کردیا۔ ڈی ای او فی میل صوفیہ تبسم نے واضح کیا ہے کہ پشاور کے کسی بھی اسکول میں اس وقت ویکسینیشن نہیں ہو رہی۔ اگر کوئی شخص یا ٹیم ویکسینیشن کے لیے اسکول پہنچے تو ہیڈ ماسٹرز اور پرنسپلز انہیں فوری طور پر منع کریں اور متعلقہ حکام کو رپورٹ کریں۔ ڈی ای او کے مطابق بعض اسکولوں میں ویکسینیشن کے لیے لوگوں کے جانے کی اطلاعات موصول ہوئیں ہیں اس لیے سختی سے ہدایت کی گئی ہے کہ کسی کو اجازت نہ دی جائے۔ ڈی ای او نے کہا کہ اگر آئندہ کبھی ویکسینیشن مہم شروع کی گئی تو aسکولوں کو پہلے سے باقاعدہ اطلاع دی جائے گی فی الحال ایسی کوئی سرگرمی نہیں ہو رہی۔