انڈین فلم ’ستری 2‘ کی کامیابی کے بعد فلم بینوں کو میڈاک کی ہارر کامیڈی یونیورس کی پانچویں فلم ’تھاما‘ کا بے صبری سے انتظار ہے۔ تاہم جمعے کو ریلیز ہونے والے اس کے ٹریلر کو اتنا پسند نہیں کیا جا رہا اور سوشل میڈیا پر صارفین نے اسے مایوس کن قرار دیا ہے۔ہندوستان ٹائمز کے مطابق فلم کے ٹریلر میں ایوشمان کھرانہ کو ایک عمارت سے دوسری عمارت پر چھلانگیں لگاتے اور ایک ویمپائر بننے کے بعد کی تگ و دو میں دکھایا گیا ہے۔ ان کی ایک ہزار سال پرانے ویمپائر نوازالدین صدیقی سے لڑائی بھی دکھائی گئی ہے۔لیکن فلم شائقین کو یہ ٹریلر کچھ پسند نہیں آیا۔سوشل میڈیا پلیٹ فارم ریڈڈٹ پر ایک صارف نے فلم کا ٹریلر شیئر کیا جس پر فینز نے کافی بے اطیمنانی کا اظہار کیا۔ایک صارف نے ٹریلر پر تبصرہ کیا کہ ’انسٹاگرام ریلیز سے سارے لطیفے اٹھائے ہیں۔‘ایک اور صارف کا کہنا تھا کہ ’یہ کافی مایوس کن ہے۔ مزاح اور فلم کی سیٹنگ مڈوک کی دوسری فلموں جیسا محسوس ہو رہا ہے۔‘Thamma Official Trailer | Ayushmann, Rashmika, Paresh, Nawazuddin | In Cinemas This Diwali- 21st Octbyu/EfficientHospital900 inBollyBlindsNGossipبعض دوسرے صارفین نے میڈاک فلمز پر تنقید کرتے ہوئے پوچھا کہ ’انہوں نے بھیڑیا کا ٹیمپلیٹ کیوں استعمال کیا ہے؟ یہ کچھ مختلف بھی کر سکتے تھے۔‘تاہم جس چیز نے سب کی توجہ اپنی طرف مبذول کرائی ہے وہ ٹریلر میں ورون دھون کا ’بھیڑیا‘ کا کیمیو ہے۔ ایکس پر ایک فین نے سکرین گریب شیئر کرتے ہوئے لکھا کہ ’واہ، کیا اپ گریڈ ہے!‘’تھاما‘ کے ڈائریکٹر ادتیہ سرپوتدار ہیں جو اس سے قبل سنہ سنہ 2024 میں ’منجیا‘ جیسی ہٹ فلم بنا چکے ہیں۔ میڈاک کی ہارر کامیڈی یونیورس کا آغاز سنہ 2018 میں فلم ’ستری‘ سے ہوا تھا۔ اس کی کامیابی کے بعد اب تک ’بھیڑیا‘، ’منجیا‘ اور ’ستری 2‘ ریلیز ہو چکی ہیں، جبکہ ’تھاما‘ 21 اکتوبر کو سینما گھروں کی زینت بنے گی۔