وزیراعلیٰ خیبر پختونخوا سہیل آفریدی نے چیف جسٹس آف پاکستان جسٹس یحییٰ آفریدی کو خط لکھ دیا۔ سہیل آفریدی نے خط میں لکھا کہ، میں صوبے کا منتخب وزیراعلیٰ اور ساڑھے 4 کروڑ عوام کا نمائندہ ہوں، میرا آئینی اور اخلاقی فریضہ ہے کہ اپنی جماعت کے پیٹرن اِن چیف عمران خان سے ہدایات لوں جو اس وقت اڈیالہ جیل میں قید ہیں۔ خط کے متن کے مطابق انہوں نے لکھا ہے کہ، میں نے وفاقی وزارت داخلہ اور ہوم منسٹری پنجاب کو پہلے ہی لکھا ہے، متعدد کوششوں کی باوجود ملاقات نہیں کرائی گئی، لہٰذا سپرنٹنڈنٹ اڈیالہ جیل سمیت حکام کو عمران خان سے ملاقات کے لیے احکامات جاری کیے جائیں.