ایران کے سپریم لیڈر آیت اللہ علی خامنہ ای نے امریکی صدر ڈونلڈ ٹرمپ کے اس دعوے کو سختی سے مسترد کر دیا ہے جس میں انہوں نے کہا تھا کہ واشنگٹن نے ایران کی جوہری تنصیبات کو تباہ کر دیا ہے۔
تہران میں خطاب کرتے ہوئے آیت اللہ خامنہ ای نے کہا کہ ٹرمپ ایران کی جوہری تنصیبات کو تباہ کرنے کے خواب دیکھتے رہیں۔انہوں نے واضح کیا کہ ایران جوہری ٹیکنالوجی میں خودکفیل ہو چکا ہے اور عالمی دباؤ کے باوجود اپنے منصوبوں پر عمل جاری رکھے گا۔
سپریم لیڈر نے ٹرمپ کی جانب سے مذاکرات کی پیشکش بھی ایک بار پھر مسترد کرتے ہوئے کہا کہ ایرانی عوام کے حوصلے بلند ہیں کوئی طاقت اسے جھکا نہیں سکتی، ایران کسی ایسے معاہدے کا حصہ نہیں بنے گا جس میں خودمختاری اور عزتِ نفس کو قربان کرنا پڑے۔