تحریک انصاف کے رہنما شیر افضل مروت کی میڈیا سے گفتگو کے دوران وفاقی وزیر دفاع خواجہ آصف سے غیر متوقع ملاقات ہوئی۔ دونوں رہنماؤں کے درمیان خوشگوار انداز میں مصافحہ ہوا، جس کے بعد صحافی نے دلچسپ سوال پوچھا. صحافی نے استفسار کیا: "خواجہ صاحب سے ہاتھ ملانے کے بعد آپ کی مشکلات بڑھ گئیں؟" شیر افضل مروت نے مسکراتے ہوئے جواب دیا: "یہ میرے بزرگ ہیں، بڑے ہیں، ہاتھ ملانے پر کسی کو تکلیف ہوتی ہے تو ہوتی رہے۔" اسی دوران خواجہ آصف نے بھی محبت بھرے لہجے میں کہا: "یہ میرا چھوٹا بھائی ہے، بیٹا ہے، جہاد کر رہا ہے — دعا بھی ساتھ ہے اور دوا بھی ساتھ ہے۔" دونوں رہنماؤں کی اس غیر رسمی ملاقات اور خوشگوار مکالمے کی ویڈیو سوشل میڈیا پر تیزی سے وائرل ہوگئی ہے، جہاں صارفین اس کو سیاسی ماحول میں نرمی کی علامت قرار دے رہے ہیں۔