وزیراعظم یوتھ پروگرام کے چیئرمین رانا مشہود نے کہا ہے کہ حکومت نوجوانوں کو ہر شعبے میں آگے بڑھانے کے لیے سنجیدہ اقدامات کر رہی ہے۔ پریس کانفرنس کے دوران رانا مشہود نے کہا کہ افسوسناک بات یہ ہے کہ فیض حمید اور نیازی کے درمیان تعلقات نے پاکستان کی ترقی کے راستے میں رکاوٹیں پیدا کیں اور ملک کے نوجوانوں کی بنیاد کو نقصان پہنچایا۔ انہوں نے سوال کیا کہ آخر کس نے نوجوانوں کو اندھیروں میں دھکیل دیا۔ رانا مشہود نے مزید کہا کہ قانون کی خلاف ورزی کرنے والے کے خلاف کارروائی کی جائے گی۔ انہوں نے کہا کہ وزیراعظم میرٹ کی مثال قائم کر رہے ہیں اور نوجوانوں کو ان کی صلاحیتوں کی بنیاد پر ترقی دی جا رہی ہے۔ انہوں نے کہا کہ اب دنیا کی توجہ پاکستان کی طرف ہے اور حکومت نوجوانوں کے لیے مواقع پیدا کر رہی ہے تاکہ وہ قومی ترقی میں مرکزی کردار ادا کر سکیں۔