مانسہرہ میں مہران گاڑی حادثے کا شکار ہوگئی جس کے نتیجے میں بچی سمیت 2 افراد موقع پر جاں بحق جبکہ 3 زخمی ہوگئے۔
پولیس ذرائع کے مطابق حادثہ اچھڑیاں انٹر چینج کے مقام پر پیش آیا جہاں مہران گاڑی تیز رفتاری کے باعث بے قابو ہو کر حادثے کا شکار ہوگئی۔
حادثے میں 5 سالہ بچی سمیت 2 افراد موقع پر جاں بحق جبکہ تین زخمی ہوگئے جن میں خاتون اور بچہ بھی شامل ہے۔ جاں بحق ہونے والوں کی شناخت 30 سالہ طاہر الدین اور 5 سالہ زینب کے ناموں سے ہوئی۔
ریسکیو 1122 کی میڈیکل ٹیم نے تمام افراد کو ابتدائی طبی امداد فراہم کر کے کنگ عبد اللہ اسپتال منتقل کردیا۔