ٹک ٹاک سے مقابلے کے لیے یوٹیوب میں ایک بڑی تبدیلی کی گئی ہے۔ یوٹیوب کی جانب سے شارٹس کے لیے ویڈیو ایڈیٹر کو اپ ڈیٹ کیا گیا ہے تاکہ ٹک ٹاک اور انسٹا گرام ریلز سے زیادہ بہتر طریقے سے مقابلہ کیا جاسکے۔ کمپنی کی جانب سے آرٹی فیشل انٹیلی جنس (اے آئی) فیچرز کو بھی متعارف کرانے کا عندیہ دیا گیا ہے جو کہ آئندہ چند ماہ میں یوٹیوب میں دستیاب ہوں گے۔شارٹس کے لیے نیا اور پہلے سے بہتر ویڈیو ایڈیٹر صارفین کو باریک ایڈجسٹمنٹس اور ہر کلپ میں زوم اور اسنیپنگ کے ساتھ ایڈٹ کرنے کی سہولت فراہم کرے گا۔ یوٹیوب صارفین کو ایک عاس کے ساتھ ساتھ معمول کے ری ارینج اور فوٹیج ڈیلیٹ کے آپشنز بھی دستیاب ہوں گے۔کمپنی نے بتایا کہ آپ میوزک اور ٹیکسٹ کو شارٹس ویڈیوز میں شامل کرسکیں گے جبکہ ایڈیٹنگ کے دوران کسی بھی وقت ویڈیو پریویو دیکھ سکیں گے۔ یوٹیوب نے مزید بتایا کہ آنے والے مہینوں میں ویڈیو ایڈیٹر میں کسی گانے کے ساتھ automatically sync clips کا فیچر بھی صارفین کو دستیاب ہوگا۔اسی طرح بہت جلد صارفین اپنی فوٹو گیلری یا کسی اے آئی امیج جنریٹر کی تصاویر کو اسٹیکرز میں بھی بدل سکیں گے۔ کمپنی کے مطابق ٹیمپلیٹس استعمال کرنے کا عمل بھی سادہ بنایا جا رہا ہے۔ اس طرح کے ٹولز ٹک ٹاک اور انسٹا گرام میں صارفین کو کافی عرصے سے دستیاب ہیں اور یوٹیوب کی جانب سے ان کا مقابلہ کرنے کے لیے نئے فیچرز کو متعارف کرایا جا رہا ہے۔ٹک ٹاک کے ایڈیٹنگ ٹولز اور کپ کٹ ویڈیو ایڈیٹر ایپ کو فون میں ویڈیوز کی تیاری کے لیے گولڈ اسٹینڈرڈ کا درجہ حاصل ہے۔ یہ پہلی بار نہیں جب یوٹیوب نے ٹک ٹاک کی نقل کی ہے بلکہ شارٹس ویڈیوز کا فیچر ہی خود ٹک ٹاک سے متاثر ہوکر یوٹیوب کا حصہ بنایا گیا۔