سی ٹی ڈی بلوچستان نے کوئٹہ کے علاقے سریاب کے علاقے میں کارروائی کرتے ہوئے اسلحہ و گولہ بارود کا بڑا ذخیرہ برآمد کر لیا۔سی ٹی ڈی حکام کے مطابق برآمد شدہ اسلحے میں آئی ای ڈیز، خودکار ہتھیار، دستی بم اور مختلف قسم کا گولہ بارود شامل ہے۔حکام نے بتایا کہ کارروائی خفیہ اطلاع پر کی گئی، انٹیلی جنس لیڈ نے مشکوک نقل و حرکت اور اسلحہ و بارود سٹوریج کی طرف اشارہ دیا جس پر فوری کارروائی کرتے ہوئے دہشتگردی کا منصوبہ ناکام بنا دیا گیا۔وعدہ کرتاہوں صوبے سے دہشتگردی کا خاتمہ کر کےدم لیں گے، وزیراعلیٰ بلوچستانسی ٹی ڈی کا کہنا ہے کہ ابتدائی تحقیقات کے مطابق دہشتگرد آئندہ 24 سے 72 گھنٹوں میں بڑے حملے کی منصوبہ بندی کر رہے تھے، کارروائی کے دوران کوئی گرفتاری عمل میں نہیں آئی، دہشت گردوں کی گرفتاری کیلئے چھاپے مارے جا رہے ہیں۔