خالصہ جنم دن اور وساکھی میلہ کی تقریبات کے حوالے سے حکومتِ پاکستان کی طرف سے سکیورٹی کے فول پروف انتظامات کیے گئے ہیں۔ سکھوں کے مذہبی تہوار وساکھی میلہ اور خالصہ جنم دن پر ہر سال کی طرح اس سال بھی بھارت سے تقریباً سات ہزار سکھ یاتریوں کی آمد متوقع ہے۔ خالصہ جنم دن کی 326 ویں سالگرہ اور وساکھی میلہ منانے کے لیے بھارت سمیت دنیا بھر سے سکھ یاتری 10 اپریل کو پاکستان پہنچیں گے، جنہیں 10 سے 19 اپریل تک کا ویزا جاری ہو گا۔پاک بھارت مذہبی سیاحتی معاہدے کے تحت تین ہزار سکھ یاتری پاکستان آ سکتے ہیں، تاہم اس سال سات ہزار سے زائد بھارتی یاتری پاکستان آنا چاہتے ہیں۔ بابا گورو نانک کے جنم دن کی تقریبات، 3 ہزار سے زائد سکھ یاتریوں کو ویزے جاری کیے ہیں۔متروکہ وقف املاک بورڈ کے حکام کے مطابق پاکستان ہائی کمیشن نیو دہلی سے بھی زیادہ سے زیادہ سکھ یاتریوں کو ویزے جاری کرنے کی درخواست کی گئی ہے۔ متروکہ وقف املاک بورڈ کی طرف سے سکیورٹی اداروں، سول انتظامیہ، پولیس، دفتر خارجہ، وزارت داخلہ سمیت دیگر اداروں کو انتظامات بڑھانے کے لیے سرکلر جاری کر دیا گیا ہے۔جبکہ وزیرِ داخلہ محسن نقوی نے کہا ہے کہ پاکستان آنیوالے سکھ یاتریوں کیلئے کوئی ویزہ فیس نہیں ہو گی۔وساکھی کی مرکزی تقریب 14 اپریل کو گوردوارہ پنجہ صاحب حسن ابدال میں ہو گی۔ بھارتی سکھ یاتری گوردوارہ جنم استھان ننکانہ صاحب، گوردوارہ دربار صاحب کرتارپور، گوردوارہ ڈیرہ صاحب لاہور سمیت دیگر مقدس مقامات کی یاترا بھی کریں گے۔