وزیر بلدیات ہاؤسنگ و ٹاؤن پلاننگ ناصر حسین شاہ نے کہا ہے پاکستان پیپلز پارٹی ایسی کسی ترمیم کی حمایت نہیں کرے گی جس سے صوبوں کے اختیارات اور عوامی مفاد پر ضرب لگتی ہو۔ یہ بات انہوں نے جمعرات کے روز ایکسپو سینٹر کراچی میں پاکستان میری ٹاٸم ایکسپو کانفرنس کے دورے کے موقع پر میڈیا سے گفتگو کرتے ہوۓ کہی، اس موقع پر صوبائی وزیر بلوچستان علی حسن زردای بھی موجود تھے۔ ناصر حسین شاہ نے کہا کہ ہمارے پاس سیاسی ہتھیار ہے، 18 ویں ترمیم کی خاتمے کی باتیں کرنے والوں کے خلاف مفاہمت اور پیار کا ہتھیار استعمال کریں گے، ناصر شاہ نے نماٸش کے دورے میں مختلف اسٹال کا معاٸنہ کیا۔ ناصر شاہ نے کہا کہ بین الاقوامی میری ٹاٸم نماٸش کا انعقاد خوش آٸند ہے، پاٸمک نماٸش میں 45 ممالک سے زائد ملکوں کے وفود شرکت کررہے ہیں، 270 ملین ڈالر کے مفاہمتی یادداشتوں پر دستخط ہوئے ہیں، نماٸش کے انعقاد میں پاکستان نیوی کے ساتھ سندھ حکومت نے خصوصی کردار ادا کیا ہے۔ انہوں نے کہا کہ صنعتوں کی بہتری کے لیے توانائی بہت ضروری ہے، صوبے میں سستی بجلی کی فراہمی کے لیے سولر پارک لگ رہے ہیں، چیٸرمین بلاول بھٹو کی ہدایت پر دھابیجی میں دس سال تک ٹیکس فری اکنامک زون بنایا گیا ہے جس میں ملکی و غیر ملکی سرمایہ کار خصوصی دلچسپی لے رہے ہیں۔ ناصر شاہ نے کہا کہ اس قسم کی نماٸش سے ایکسپورٹ میں اضافہ ہوتا ہے ملک میں زرمبادلہ آتاہے جس سے معاشی بہتری آتی ہے۔