جاپان کے سب سے زیادہ حکومت کرنے والے سابق وزیراعظم شنزو ایبے قاتلانہ حملے میں ہلاک ہو گئے ہیں۔ غیر ملکی خبر رساں ادارے "رائٹرز" کے مطابق 67 سالہ سابق وزیراعظم ایک تقریب میں خطان کررہے تھے جہاں ان پر قاتلانہ حملہ کیا گیا اور گولیاں چلائی گئیں جس کے بعد انھیں تشویشناک حالت میں اسپتال لے جایا گیا اور بعد ازاں ان کا انتقال ہوگیا۔ طویل عرصے تک وزیراعظم رہنے والے شنزو ایبے شنزو ایبے نے 2006 میں ایک سال حکومت کے بعد 2012 سے 2020 تک جاپان پر حکومت کی جس کے بعد آنتوں کی بیماری کے باعث انھیں وزیراعظم کے عہدے سے دستبردار ہونا پڑا۔ ایک شخص گرفتار میڈیا رپورٹس کے مطابق ایک 40 سالہ شخص کو سابق وزیراعظم کے قتل کے شبے میں گرفتار کیا گیا ہے اور اس سے اسلحہ بھی برآمد کیا گیا ہے۔