کراچی: شہر قائد کی 15 منزلہ بلند عمارت میں آگ لگ گئی جس نے پوری عمارت کو اپنی لپیٹ میں لے لیا۔نمائندہ ہم نیوز کے مطابق کراچی کے مصروف شاہراہ فیصل پر نرسری کے قریب 15 منزلہ عمارت میں اچانک آگ لگ گئی جس نے دیکھتے ہی دیکھتے پوری عمارت کو ہی اپنی لپیٹ میں لے لیا۔ فوری طور پر شاہراہ فیصل کے ایک حصے کو ٹریفک کے لیے بند کر دیا گیا تھا۔فائر بریگیڈ کے عملے نے فوری طور پر موقع پر پہنچ کر آگ پر قابو پانے کی کوششیں شروع کر دیں جبکہ آگ بجھانے کے لیے اسنارکل سے بھی مدد لی گئی جبکہ عمارت کی آگ کو تیسرے درجے کی آگ قرار دیا گیا۔یہ بھی پڑھیں: ریسکیو ذرائع کے مطابق شہر بھر سے فائر ٹینڈرز کو آگ بجھانے کے لیے طلب کر لیا گیا تھا۔عمارت میں آگ لگنے کے باعث ایک گارڈ زخمی ہو گیا جسے طبی امداد کے لیے فوری طور پر قریبی اسپتال منتقل کیا گیا۔