سابق عالمی باکسر اور سابق قومی چیمپین در محمد بلوچ انتقال کر گئے۔نجی ٹی وی ایکسپریس نیوز کے مطابق انہیں افریقی بندرگاہ پر بحری جہاز پر دل کا دورہ پڑا جو جان لیوا ثابت ہوا، مرحوم نے لواحقین میں بیوہ اور تین بچے چھوڑے ہیں۔در محمد بلوچ پاکستان باکسنگ فیڈریشن کے نائب صدر اور سندھ باکسنگ ایسوسی ایشن کے سیکریٹری اصغر بلوچ کے بھتیجے تھے۔ان کے والد اولمپئین ملنگ بلوچ بھی سات ماہ قبل انتقال کر گئے تھے۔یاد رہے کے پی ٹی اور پاکستان نیوی کی نمائندگی کرنے والے سابق عالمی باکسر در محمد بلوچ لیاری کے رہائشی اور مرچنٹ نیوی سے وابستہ تھے۔