اسلام آباد اور راولپنڈی میں تمام تعلیمی ادارے کب تک بند رہیں گے، ان کی بندش کے حوالے سے انتظامیہ کا اہم بیان سامنے آگیا۔ پاکستان تحریک انصاف کے احتجاج کے پیش نظر جڑواں شہروں میں صورتحال کشیدہ ہے جبکہ کئی سڑکوں کو آمد و رفت کے لیے بند کردیا گیا ہے، انتظامیہ کا کہنا ہے کہ اسلام آباد اور راولپنڈی میں کل بھی تمام تعلیمی ادارے بند رہیں گے۔ڈی سی کا کہنا تھا کہ موجودہ صورتحال کے پیش نظر 27 نومبر کو بھی تعلیمی ادارے بند رکھنے کا فیصلہ کیا گیا ہے۔پاکستان تحریک انصاف کے احتجاج کی وجہ سے دو دنوں سے جڑواں شہروں میں تعلیمی ادارے بند ہیں، اس سے قبل بھی ڈپٹی کمشنر کا کہنا تھا کہ ضلع میں صورتحال کے پیش نظر تعلیمی ادارے کل بند رکھنے کا فیصلہ کیا گیا۔پی ٹی آئی کے احتجاجی قافلوں کی شہر میں آمد کے پیش نظر راولپنڈی اور اسلام آباد میں گزشتہ دو دنوں سے تعلمی ادارے بند ہیں۔